Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 7

¿Mbaʼéichapa rojapo ore rreunionkuéra?

¿Mbaʼéichapa rojapo ore rreunionkuéra?

Nueva Zelanda

Japón

Uganda

Lituania

Yma umi kristiáno ypykue oñembyaty jave, opurahéi, oñemboʼe, olee ha ohesaʼỹijo Ñandejára Kuatiañeʼẽ (1 Corintios 14:26). Nde reju vove ore rreunionhápe, rehecháta rojapoha avei upéicha.

Oñeguenohẽ la Bíbliagui umi mbaʼe oñemboʼéva. Káda fín de semána, enterove testígo de Jehová kongregasión oñembyaty ohendu hag̃ua peteĩ diskúrso vívliko ipukúva 30 minúto. Upe diskúrso rupive ojehechauka mbaʼéichapa la Biblia ñanepytyvõ ñande rekovépe ha oñemyesakã mbaʼe tiémpopepa jaikoñaína. Avei oñemokyreʼỹ opavavépe oheka hag̃ua umi téxto ivívliape. Upe rire ojejapo pe Ñemañaha Ñehesaʼỹijo, ipukúva una óra ha oñeinvita umi oĩvape upe rreunionhápe okomenta hag̃ua oñehesaʼỹijo jave peteĩ artíkulo pe Ñemañahágui. Ko rrevísta ohechauka mbaʼéichapa ikatu jajapo la Biblia heʼíva. Umi 110.000 rasa kongregasión oĩvape ko yvy ape ári peteĩchagua memete umi informasión oñehesaʼỹijóva.

Orembokatupyry roporomboʼe hag̃ua. Roñembyaty avei éntre semanakue roguereko hag̃ua ore rreunión orekóva tres párte. Ko rreunión héra Mbaʼéichapa Jaiko ha Japredika vaʼerã. Ko reunión ojejapo hag̃ua ojepuru Mbaʼéichapa Jaiko ha Japredika vaʼerã. Prográma rreuniónpe g̃uarã, osẽva káda mes. Pe primera párte héra “Tesóro oĩva Ñandejára Ñeʼẽme”. Ko párte orepytyvõ rontende porãve hag̃ua umi téysto oĩva pe lektúra semanálpe. Upéi ojejapo pe párte hérava “Ñamboʼe porãve hag̃ua”. Ko pártepe ojejapo demostrasión ohechaukáva mbaʼéichapa ikatu roñemongeta ore rapichakuérandi la Biblia heʼívare. Upéi peteĩ ermáno heʼi oréve mbaʼépepa tekotevẽ romehorave roñeʼẽ jave la héntendi (1 Timoteo 4:13). Ha pe última párte héra “Jahechaukákena jaserviha Jehovápe”. Ko pártepe oñeanalisa umi konsého oĩva la Bíbliape ha orepytyvõva roservi porãve hag̃ua Ñandejárape. Sapyʼánte oñeanalisa jave peteĩ téma ojejapo pregúnta ha avei oñekomenta. Upéva orepytyvõ rontende porãve hag̃ua la Biblia.

Reho vove ore rreunionhápe, rehecháta mbaʼeichaitépa oñemboʼe porã upépe la Biblia (Isaías 54:13).

  • ¿Mbaʼépa rehecháta reho vove testígo de Jehová rreunionhápe?

  • ¿Mávapa umi rreunión apytégui ndegustave reho ñepyrũ hag̃ua?