Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 5

¿Mbaʼépa rehechakuaáta ore rreunionhápe?

¿Mbaʼépa rehechakuaáta ore rreunionhápe?

Argentina

Sierra Leona

Bélgica

Malasia

Heta tapicha ndohovéi ijiglésiape nombopyʼaguapýi ha noipytyvõigui chupekuéra oikuaa hag̃ua umi mbaʼe oikuaaséva Ñandejáragui. Upéicharõ, ¿mbaʼérepa reho vaʼerã umi testígo de Jehová rreunionhápe? ¿Mbaʼépa rejuhúta upépe?

Reiméta umi tapicha ipyʼaporã ha oporohayhúvandi. Síglo primérope umi kristiáno oñembyatými vaʼekue kongregasiónpe omombaʼeguasu hag̃ua Ñandejárape, ostudia Iñeʼẽ ha oñomokyreʼỹ hag̃ua (Hebreos 10:24, 25). Haʼekuéra oñembyatývo umi ermánondi oñeñandu oĩha iñamigokuéra apytépe, enterovénte ohechauka ojoayhu añeteha hikuái (2 Tesalonicenses 1:3; 3 Juan 14). Ore rojapo avei ore aty síglo primérope ojejapo haguéicha ha rovyʼa haʼekuéraicha.

Rehechakuaáta la Biblia omboʼéva nepytyvõtaha. Yma ojejapo haguéicha, koʼág̃a heta kuimbaʼe, kuña ha mitã roñembyaty rohendu hag̃ua umi mboʼehára katupyrýpe. Haʼekuéra la Biblia rupive orepytyvõ rohechakuaa hag̃ua mbaʼéichapa ikatu rojapo Ñandejára Ñeʼẽ heʼíva (Deuteronomio 31:12; Nehemías 8:8). Opavave ohóva ore rreunionhápe ikatu okomenta ojejapo jave umi porandu ha opuraheikuaa avei umi kántiko. Upéicha, káda uno ikatu oikuaauka umi mbaʼe ogueroviáva (Hebreos 10:23).

Ikatúta remombarete nde jerovia. Apóstol Pablo ohai peteĩ kongregasión itiempopeguápe: “Hiʼãite chéve pohechami, [...] káda uno ñañomokyreʼỹ hag̃ua ñande jerovia rupive, peẽ ha che avei” (Romanos 1:11, 12). Jajeheʼávo ñane ermanokuérare rreunionhápe omombarete ñande jerovia ha ñanepytyvõ jasegi hag̃ua jaiko Ñandejára oipotaháicha.

Ehomína ore rreunionhápe, ndete ehecha hag̃ua añeteha pe roʼéva ndéve. Torypápe enterove nde rresivíta. Upépe ndojekovrái mbaʼeve ha ndojejeruréi pláta.

  • ¿Máva ehémplopa rosegi rojapóvo ore rreunionkuéra?

  • ¿Mbaʼéichapa ñanepytyvõ umi rreunión?