Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 12

¿Mbaʼéichapa ropredika?

¿Mbaʼéichapa ropredika?

España

Bielorrusia

Hong Kong

Perú

Omano mboyvemi, Jesús heʼi: “Koʼã marandu porã oñeʼẽva Ñandejára Rréinore oñemombeʼúta oparupiete ko yvy ape ári, ojekuaa hag̃ua opa tetãrupi, ha upéi og̃uahẽta pe ára pahaite” (Mateo 24:14). ¿Mbaʼéichapa ojepredikáta ko yvy tuichakuére? Ojejapóvo Jesús ojapo haguéicha oĩrõ guare ko yvy ape ári (Lucas 8:1).

Rovisita ore rapichakuérape hogaitépe. Jesús omboʼe vaʼekue hemimboʼekuérape omombeʼu hag̃ua pe marandu porã ogahárupi (Mateo 10:11-13; Hechos 5:42; 20:20). Koʼã maranduhára ypykuépe ojeʼe vaʼekue moõitépa opredika vaʼerã (Mateo 10:5, 6; 2 Corintios 10:13). Upéicha avei, koʼág̃arupi káda kongregasión oreko iterritório, oikuaa moõite ha moõ pevépa opredika vaʼerã. Upéicha ropredika ore rapichakuérape ha ‘romombeʼu hekoitépe’ pe marandu porã, Jesús heʼi haguéicha (Hechos 10:42).

Roñehaʼã ropredika ore rapichápe mamo oĩháme. Jesús omoĩ vaʼekue avei ehémplo porã opredikávo mamo oĩháme umi hénte, tahaʼe már rembeʼýpe térã póso mátape (Marcos 4:1; Juan 4:5-15). Ore avei roñemongeta la Biblia heʼívare mamo rotopahápe ore rapicháre, tahaʼe tapére, ñemuhárupi, plásape térã teléfono rupive. Ropredika avei ore vesinokuérape, ore irũnguérape koléhio térã travahohápe, ha ore hentekuérape opyta porã jave oréve. Upéicha rojapo rupi hetaiterei ore rapicha ko yvy tuichakuére ohendu “pe marandu porã oporosalvátava” (Salmo 96:2).

Epensamína mávapepa remombeʼuse pe marandu porã oñeʼẽva Ñandejára Rréinore ha mbaʼépa ikatu ohupyty upe haguére. Aníkena reguerokirirĩ ko marandu, eikuaauka uvei opyta porã vovéntema ndéve.

  • ¿Mbaʼépa pe “marandu porã” japredika vaʼerã?

  • ¿Mbaʼéichapa umi testígo de Jehová osegi Jesús ehémplo opredika jave?