Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 20

¿Mbaʼépa ojapo pe Kuérpo Governánte?

¿Mbaʼépa ojapo pe Kuérpo Governánte?

Kuérpo Governánte síglo primérope

Ojelee kárta Kuérpo Governánte oguerahaka vaʼekue

Síglo primérope Jerusalénpe oĩ vaʼekue “umi apóstol ha ansianokuéra” oservíva Kuérpo Governánteramo. Haʼekuéra orrepresenta enterove umi ambue unhídope ha odesidi heta mbaʼe iñimportánteva (Hechos 15:2). Ikatu hag̃uáicha og̃uahẽ hikuái peteĩ ñeʼẽme, ohesaʼỹijo porã Ñandejára Ñeʼẽ ha oheja pe espíritu sánto oisãmbyhy chupekuéra (Hechos 15:25). Koʼág̃a avei pe Kuérpo Governánte ojapo upéicha.

Ñandejára oiporu chupekuéra ojapo hag̃ua hembipota. Umi ermáno unhído oservíva Kuérpo Governánteramo ohayhu ha omombaʼeterei Ñandejára Ñeʼẽ, ikatupyry oporomboʼe ha omoakã hag̃ua umi tembiapo Jehová organisasiónpe. Káda semána oñembyaty hikuái ohecha hag̃ua mbaʼépa oikotevẽ ermanokuéra oĩva ko yvy tuichakuére. Ojejapo haguéicha síglo primérope, oiporu hikuái la Biblia oikuaa hag̃ua mbaʼéichapa ojejapo vaʼerã opa mbaʼe kongregasiónpe, ha upéva oikuaauka kárta térã superintendénte ha ambue ermáno rupive. Upéicha rupi peteĩcha umi informasión oñemboʼéva ha umi mbaʼe ojejapóva Jehová organisasiónpe (Hechos 16:4, 5). Pe Kuérpo Governánte oprepara avei hiʼupy omombaretéva ñande jerovia, omotenonde predikasión ha oaprova umi ermáno oñenombráva oipytyvõ hag̃ua kongregasiónpe.

Oheja Ñandejára espíritu oisãmbyhy chupekuéra. Pe Kuérpo Governánte oheja oisãmbyhy chupekuéra Jehová, pe Mburuvicha Ijojahaʼỹva ha Jesús, pe kongregasión Omoakãva (1 Corintios 11:3; Efesios 5:23). Haʼekuéra nopensái omandaha Ñandejára puévlore, síno umi ótro unhídoicha “osegi hikuái pe Ovecharaʼýpe [térã Jesúspe] toho ohohápe” (Apocalipsis 14:4). Kuérpo Governánte oagradeseterei akóinte ñañemboʼe haguére hesekuéra.

  • ¿Mávapa umi oservíva Kuérpo Governánteramo síglo primérope?

  • ¿Mbaʼéichapa umi koʼág̃a oĩva Kuérpo Governántepe ohechauka ohejaha Jehová oisãmbyhy chupekuéra?