Ehecha oĩva pype

Ehecha oĩva pype

 LEKSIÓN 11

¿Mbaʼérepa rojapo umi Aty guasu?

¿Mbaʼérepa rojapo umi Aty guasu?

México

Alemania

Botsuana

Nicaragua

Italia

¿Rehechápa mbaʼéichapa ovyʼa umi oĩva koʼã fótope? Haʼekuéra ningo oĩhína ore asambleahápe. Yma Ñandejára siervokuérape ojeʼe oñembyaty vaʼerãha tres vése káda áño, upéicha avei ore rovyʼaiterei roñembyatývo oñondivepa (Deuteronomio 16:16). Káda áño rojapo tres vése ore aty guasu, roreko dos vése pe Aty guasu un diagua ha una ves pe Aty guasu tres diagua. ¿Mbaʼéichapa orepytyvõ koʼã asambléa?

Oremoag̃uive ore ermanokuéra oparupiguáre. Umi isrraelíta ovyʼaiterei vaʼekue omombaʼeguasúvo Jehovápe “umi hese ojeroviáva apytépe”, ha ore avei rovyʼaiterei roñembyatývo ore ermanokuérandi romombaʼeguasu hag̃ua Jehovápe (Salmo 26:12; 111:1). Koʼã aty guasu rupive ikatu rojeheʼa ore ermanokuéra ambue kongregasionguáre ha ambue tetãyguáre. Asajekue rokaru oñondivepa pe asambléa oikohápe, péicha rohasa porã ore amigokuérandi upe lugár romombaʼeguasuhápe Jehovápe (Hechos 2:42). Upépe rohechakuaa mbaʼéichapa pe mborayhu orepytyvõ roiko hag̃ua peteĩ ñeʼẽme ‘ermanokuéra’ oparupiguándi (1 Pedro 2:17).

Omombareteve ore jerovia. Umi isrraelítape tuicha oipytyvõ vaʼekue ‘ontende umi mbaʼe oñemboʼéva chupekuéra’ Ñandejára kuatiañeʼẽgui (Nehemías 8:8, 12, ÑÑB). Ore avei romombaʼeterei umi mbaʼe oñemboʼéva ore Aty guasuhápe. Káda asambléape oñehesaʼỹijo peteĩ téma oñeguenohẽva la Bíbliagui. Heta diskúrso ha demostrasión rupive ojehechauka oréve mbaʼéichapa rojapo vaʼerã Ñandejára rembipota. Oremokyreʼỹ avei rohendúvo umi ermáno ha ermána rembiasakue, ijapytepekuéra oĩ ombohovái vaʼekue heta mbaʼe oservi porã hag̃ua Jehovápe koʼã tiémpo ijetuʼuetévape. Pe Aty guasu tres diaguápe ojejapo peteĩ teátro, upearã oñemonde hikuái yma guaréicha ha orrepresenta peteĩ istória oĩva la Bíbliape. Umíva oremboʼe avei heta mbaʼe ideprovéchotava oréve. Ha umi mbohapy Aty guasu ojejapóvape oĩ ojevautisáva ohechauka hag̃ua oñemeʼẽma hague Jehovápe.

  • ¿Mbaʼérepa ojevyʼaite umi Aty guasuhápe?

  • ¿Mbaʼéichapa nepytyvõta rehóramo ore Aty guasuhápe?