Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 19

¿Mávapa “pe tembiguái jeroviaha ha iñarandúva”?

¿Mávapa “pe tembiguái jeroviaha ha iñarandúva”?

Enterovépe ñanepytyvõ pe “hiʼupy” omeʼẽva pe “tembiguái”

Omano mboyvemi, Jesús oñemongeta Pedro, Santiago, Juan ha Andrés ndive. Ha heʼi rire mbaʼépa oiko vaʼerã koʼã ára pahápe ojekuaa hag̃ua haʼe oĩmaha, oporandu ko mbaʼe iñimportantetéva: “¿Mávapa hína pe tembiguái jeroviaha ha iñarandúva, pe Ijára omoĩ vaʼekue oñangareko hag̃ua ótro tembiguaikuérare, omeʼẽ hag̃ua chupekuéra hiʼupy hiʼoraitépe?” (Mateo 24:3, 45; Marcos 13:3, 4). Koʼápe Jesús hína pe “Jára” ha heʼi hemimboʼekuérape omoĩtaha peteĩ grúpo akóinte omeʼẽ vaʼerã hiʼupy umi omoirũvape chupe koʼã ára pahápe. ¿Mávapa hína pe tembiguái?

Peteĩ grúpo michĩva ojeporavo vaʼekue. Pe “tembiguái” haʼe hína pe Kuérpo Governánte de los testigos de Jehová. Haʼe omeʼẽ hiʼupy hiʼoraitépe umi omombaʼeguasúvape hendivekuéra Jehovápe. Ñande ñaikotevẽ ko grúpore omeʼẽ hag̃ua ñandéve ‘hiʼupy hiʼoraitépe’, omombaretétava ñande jerovia (Lucas 12:42).

Oñangareko Ñandejára kongregasión rehe (1 Timoteo 3:15). Tuicha rresponsavilida oñemeʼẽ ko grúpope, Jesús omoĩ chupekuéra oñangareko hag̃ua Jehová organisasión oĩvare ko yvy ape ári. Upéva heʼise oñangareko vaʼerãha umi mbaʼerepy orekóvare Jehová organisasión, omoakã predikasión ha ñanemboʼe kongregasión rupive. Upévare, pe “tembiguái jeroviaha ha iñarandúva” omoĩ hag̃ua ñandéve hiʼoraitépe umi mbaʼe ñaikotevẽva, oguenohẽ umi puvlikasión jaiporúva predikasiónpe ha umi téma oñehesaʼỹijótava umi rreunión ha aty guasuhápe.

Pe “tembiguái” ningo jeroviaha ojapógui opa mbaʼe la Biblia heʼihaichaite ha omombeʼu rupi pe marandu porã Jesús ojerure haguéicha. Ha iñarandu oñangarekógui hekopete opa mbaʼe Jesucristo orekóvare ko yvy ape ári (Hechos 10:42). Jehová ovendesi hembiapokuéra, heta hetavévo umi oservíva chupe ha omeʼẽvo hetaitereive hiʼupy omombaretéva ñande jerovia (Isaías 60:22; 65:13).

  • ¿Mávapepa Jesús omoĩ omeʼẽ hag̃ua “hiʼupy” hembiguaikuérape?

  • ¿Mbaʼérepa ojeʼe pe “tembiguái” rehe “jeroviaha ha iñarandúva”?