Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 17

¿Mbaʼéichapa orepytyvõ umi superintendénte?

¿Mbaʼéichapa orepytyvõ umi superintendénte?

Malaui

Aty predikasionrã

Predikasión

Rreunión orekóva ansianokuéra

Escrituras Griegas Cristianas pyʼỹinte oñeʼẽ apóstol Pablo ha Bernabé rehe. Koʼã kuimbaʼe oservi vaʼekue superintendénteramo ha ovisita umi kongregasión oĩva upe tiémpope. ¿Mbaʼépa omomýi chupekuéra ojapo hag̃ua upéva? Haʼekuéra ohayhu ha ojepyʼapy ermanokuérare. Pablo heʼi ohose jeyha ovisita umi ermánope ohecha hag̃ua mbaʼéichapa oĩ hikuái. Oguatáramo jepe mombyrymbyry upearã, ovyʼa ikatu haguére omombarete ermanokuéra jerovia (Hechos 15:36). Koʼág̃a upeichaite avei oñeñandu umi superintendénte.

Ou oremokyreʼỹ hag̃ua. Káda superintendénte de sirkuíto ovisita 20 kongregasión rupi dos vése káda áño ha ohasa una semána káda kongregasión ndive. Heta mbaʼe porã ikatu ñaaprende koʼã ermáno rembiasakuégui, ha oiméramo omendáva hembirekokuéragui avei. Haʼekuéra oñehaʼã oikuaa umi ermáno tahaʼe imitãva térã ijedávape, ha hiʼãiterei chupekuéra opredika orendive ha oremoirũ rojapo hag̃ua umi estúdio vívliko rorekóva. Koʼã superintendénte ovisita umi ansiáno ndive ermanokuérape ha rreunión ha asambleahápe ojapo umi diskúrso oporomokyreʼỹva (Hechos 15:35).

Ojepyʼapy enterovére. Umi superintendénte ojepyʼapy enterove kongregasión rehe. Oñembyaty ansianokuéra ha umi siérvo ministeriál ndive ohecha hag̃ua mbaʼéichapa oho hese pe kongregasión ha omeʼẽ chupekuéra konsého ojapo porãve hag̃ua hembiapokuéra. Oipytyvõ umi prekursórpe ikatupyryve hag̃ua predikasiónpe ha osẽ porãmba hag̃ua chupekuéra hembiapo. Ovyʼa avei oikuaávo umi tapicha oñembyaty ramóvape orendive rreunionhápe ha oñakãrapuʼãva ohóvo. Koʼã ermáno oñemeʼẽmbaite iservísiope ha ‘ñanemoirũ ñanepytyvõ hag̃ua’ (2 Corintios 8:23). Haʼekuéra ohayhu Jehovápe ha ojerovia mbarete hese, upévare jasegi vaʼerã iñehémplo (Hebreos 13:7).

  • ¿Maʼerãpa umi superintendénte ovisita umi kongregasión?

  • ¿Mbaʼépa rejapo vaʼerã nepytyvõ hag̃ua pe superintendénte ovisita jave kongregasión?