Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 16

¿Mbaʼéichapa umi siérvo ministeriál oipytyvõ kongregasiónpe?

¿Mbaʼéichapa umi siérvo ministeriál oipytyvõ kongregasiónpe?

Myanmar

Platafórmape

Aty predikasionrã

Omopotĩ Salón del Reino

La Bíbliape heʼi ‘umi ansiáno ha siérvo ministeriál’ ojapoha heta mbaʼe kongregasiónpe (Filipenses 1:1). Káda kongregasiónpe oĩ umichagua ermáno ombaʼapo kyreʼỹva. ¿Mbaʼépa ojapo umi siérvo ministeriál ermanokuéra rehehápe?

Oipytyvõ umi ansiánope. Umi siérvo ministeriál, tahaʼe imitãva térã ijedáva, ojerovia mbarete Jehováre, oñehaʼã ojapo hekopete hembiapo ha jajeroviakuaa hesekuéra. Koʼã siérvo ministeriál ojapo heta mbaʼe kongregasiónpe ikatu hag̃uáicha umi ansiáno itiempove omboʼe ha oñangareko porã hag̃ua ermanokuérare.

Ojapo heta mbaʼe iñimportánteva. Oĩ siérvo ministeriál oservíva de akomodadór ha orresivi umi ohóvape rreunionhápe. Ótro oñatende sonídope, omeʼẽ puvlikasión umi oipotávape, oanota umi gásto, ha kontrivusión oñemeʼẽva kongregasiónpe. Oñatende territóriore ha ohecha moõ moõpa ojepredikáta. Avei omopotĩ ha omyatyrõ hikuái Salón del Reino ha oipytyvõ umi ermáno ha ermána ijedávape umi ansiáno ojerureháicha chupekuéra. Tahaʼe haʼéva umi tembiapo oñemeʼẽva umi siérvo ministeriálpe, oñehaʼãmbaite hikuái ojapo kyreʼỹme ha ojeguerohoryeterei chupekuéra upévare (1 Timoteo 3:13).

Omoĩ ehémplo porã ijerovia mbarete rupi. Umi siérvo ministeriál ningo ojeporavo ohechaukágui heta mbaʼe porã hekovépe ha ijerovia mbaretégui. Umi diskúrso ojapóva rreunionhápe omombarete ñande jerovia. Osẽ meme hikuái predikasiónpe ha upéicha ñanemokyreʼỹ jasegi hag̃ua iñehémplo. Avei oipytyvõ porã rupi umi ansiánope ikatu jaiko vyʼápe ha peteĩ ñeʼẽme kongregasiónpe (Efesios 4:16). Upe rire, tenonde gotyove haʼekuéra avei ikatu oservi ansiánoramo.

  • ¿Mbaʼeichagua ermánopa umi siérvo ministeriál?

  • ¿Mbaʼéichapa umi siérvo ministeriál oipytyvõ ojejapo hag̃ua hekópe opa mbaʼe kongregasiónpe?