Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 25

¿Mbaʼérepa ha mbaʼéichapa romopuʼã Salón del Reino?

¿Mbaʼérepa ha mbaʼéichapa romopuʼã Salón del Reino?

Bolivia

Nigeria, Salón yma guare ha koʼag̃agua

Tahití

Umi lugár roñembyatyha romombaʼeguasu hag̃ua Jehovápe héra Salón del Reino. ¿Mbaʼérepa? Oñeʼẽgui Ñandejára Rréinore umi informasión rohesaʼỹijóva upépe. Jesús ningo oñeʼẽ meme vaʼekue voi upe témare predikasiónpe (Lucas 8:1).

Lugár oñemombaʼeguasuha Ñandejára añeteguápe. Salón del Réinope ojehecha moõ ha mbaʼéichapa ojepredikáta pe marandu porã (Mateo 24:14). Oĩ Salón michĩva ha tuicháva, péro enterovénte isensíllo. Peteĩ Salón del Reino sapyʼánte oiporu peteĩ térã hetave kongregasión. Umi áño ohasa vaʼekuépe hetaiterei Salón oñemopuʼã, (cinco rupi káda día) oĩgui hetave kongregasión ko yvy tuichakuére. ¿Mbaʼéichapa rojapo upéva? (Mateo 19:26.)

Oñemopuʼã kontrivusión voluntária rupive. Pe kontrivusión oñemeʼẽva ojeguerahauka sukursálpe ikatu hag̃uáicha ojeporu oñemopuʼã hag̃ua oñekotevẽhápe peteĩ Salón pyahu térã oñemyatyrõ hag̃ua.

Opaichagua ermáno ombaʼapo okovraʼỹre mbaʼeve. Heta tetãme oĩ umi Grúpo omopuʼãva Salón del Reino. Koʼã ermáno ova ha ova umi kongregasión mombyryvehápe jepe upe tetãme, ikatu hag̃uáicha oipytyvõ umi ermánope omopuʼã hag̃ua isalonrã. Ótro tetãme katu oñenombra ermáno ikatupyrýva omoakã ha ohecha hag̃ua moõpa tekotevẽ oñemopuʼã ha oñembopyahu jey peteĩ Salón del Reino. Heta ermáno ikatupyrýva oipytyvõ oñemopuʼã hag̃ua umi Salón ha oĩ avei profesionál oipytyvõva chupekuéra okovraʼỹre mbaʼeve. Umi ermáno oiporútava voi pe Salón del Reino, oñehaʼã ombaʼapo oñemopuʼã hag̃ua. Jehová espíritu ha umi ermáno ombaʼapo kyreʼỹ rupi ikatu ojejapo koʼã mbaʼe (Salmo 127:1; Colosenses 3:23).

  • ¿Mbaʼérepa rohenói Salón del Reino pe lugár romombaʼeguasuha Jehovápe?

  • ¿Mbaʼéicha rupípa ikatu romopuʼã Salón del Reino opárupi?