Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 8

¿Mbaʼérepa roñemonde porã roho hag̃ua rreunionhápe?

¿Mbaʼérepa roñemonde porã roho hag̃ua rreunionhápe?

Islandia

México

Guinea-Bissau

Filipinas

¿Rehechápa umi taʼanga oĩvape mbaʼéichapa ore testígo de Jehová roñemonde porã roho hag̃ua rreunionhápe? ¿Mbaʼérepa roñehaʼã ore potĩ ha roñemonde porã?

Rorrespetágui Ñandejárape. Jehová ningo ojesareko ñande pyʼapýre ndahaʼéi ñande aóre (1 Samuel 16:7). Upéicharõ jepe, roñembyaty jave romombaʼeguasu hag̃ua Jehovápe, rohechaukase rorrespetaha chupe ha ore ermanokuérape. Pór ehémplo, jahátaramo peteĩ hués rendápe ningo ñañemonde porãta jarrespetágui chupe. Upéicha avei, roñemonde porãvo roho hag̃ua rreunionhápe rohechauka rorrespetaha Ñandejára Jehovápe, pe “Mburuvicha guasu yvy arigua”, ha pe lugár romombaʼeguasuha chupe (Jeremías 10:7).

Rohechauka hag̃ua roikoha la Biblia heʼiháicha. La Biblia heʼi kristianokuérape “toñemonde hekópe ha taiñakãguapy” (1 Timoteo 2:9, 10). Ñañemonde ‘hekópe ha ñaneakãguapy’ heʼise ndovaleiha ñamonde umi ao hesakã, mbyky ha ñandejopýva térã oñemañamba hag̃uáicha ñanderehe. Avei heʼise ñamondeha umi ao iporã ha ipotĩva. Oĩ heta ao hekopeguáva ikatúva káda uno jaiporavo ñamonde hag̃ua. Jajapóramo upéicha, umi hénte “omoporãta ñande Salvadór Ñandejára omboʼéva” ha “ombotuicháta” chupe, jaʼeʼỹre mbaʼevete (Tito 2:10; 1 Pedro 2:12). Roñemonde porãvo roho hag̃ua rreunionhápe opavave orerecha ha imanduʼa porã Jehová puévlore.

Ñanepotĩ ha ñañemonde porã hag̃ua natekotevẽi jareko umi ao hepy térã iporãitereíva. Aníkena ndereguerekói haguérente umichagua ao nderehói Salón del Réinope.

  • ¿Mbaʼérepa iñimportánte ñañemonde porã jaha jave ñamombaʼeguasu hag̃ua Ñandejárape?

  • ¿Mbaʼe téxtopa orepytyvõ rodesidi hag̃ua mbaʼéichapa roñemondéta?