Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 14

¿Mbaʼéichapa oñembokatupyry umi prekursórpe?

¿Mbaʼéichapa oñembokatupyry umi prekursórpe?

Estados Unidos

Eskuéla de Galaad (Patterson, Nueva York)

Panamá

Ore testígo de Jehová ymaite guive rojapo umi eskuéla orembokatupyrýva, roipytyvõ hag̃ua ore rapichakuérape oikuaa hag̃ua Ñandejárape. Oĩ voi umi eskuéla ojejapóva umi oipurupaitévape g̃uarã itiémpo ‘opredika hag̃ua pe marandu porã’ (2 Timoteo 4:5).

Eskuéla Prekursorkuérape g̃uarã. Un áño ojapo rire iprekursorádo, pe maranduhára ikatúma oho ko eskuélape, ipukúva seis día ha ojejapóva pe Salón del Réinope. Ko eskuéla oipytyvõ prekursorkuérape oñemoag̃uive hag̃ua Jehováre, ikatupyryve hag̃ua hembiapópe ha osegi hag̃ua ojapo hekoitépe opa mbaʼe oñehaʼarõva chugui.

Eskuéla Oñembokatupyryve hag̃ua umi Opredikávape. Ko eskuéla ipuku dos mése ha ojejapo oñembokatupyry hag̃ua umi ohosévape oservi ótro lugár oñekotevẽvehápe maranduhárare. Haʼekuéra haʼete heʼíva hína “ápe aime che, chemondo chéve”, ha péicha ohaʼanga hikuái Jesúspe (Isaías 6:8, ÑÑB; Juan 7:29). Umi ohóva ko eskuélape, oñemondo upe rire ótro lugárpe ha sapyʼánte ojepokuaa vaʼerã oiko sensillomi. Oĩ avei oñemondóva oservi hag̃ua ótro tetãme, ha upépe ojepokuaa vaʼerã umi hénte oiko lájare, hembiʼukuérare ha sapyʼánte oaprende vaʼerã ótro idióma. Ko eskuélape ohokuaa umi ermáno ha ermána orekóva éntre 23 ha 65 áño, tahaʼe soltéro térã omendáva. Ko eskuéla oipytyvõ chupekuéra oñemoag̃uive hag̃ua Jehováre, ikatupyryve hag̃ua ha ohechauka hag̃ua umi kualida porã oikotevẽtava okumpli porãve hag̃ua hembiapo. Upéicha ideprovechove hikuái Jehovápe ha iñorganisasiónpe.

Escuela Bíblica de Galaad de la Watchtower. Áño 1943 guive ojejapo ko eskuéla, ha 8.000 rasáma oĩ ohóva upépe ha hetaitereípema omomarandu hikuái. Koʼã ermánope oñemondo misionéroramo opredika hag̃ua “yvy paha peve”, ha heta mbaʼe porãma ojehupyty (Hechos 13:47). Umi primer misionéro ohórõ guare Perúpe, ndaipóri vaʼekue ni peteĩ kongregasión, ha koʼág̃a g̃uarã 1.000 rasáma oĩ. Japónpe oñemondórõ guare umi misionéro katu oĩ vaʼekue 10 Testígorupinte, koʼág̃a katu oĩma 200.000 rasa. Ko eskuéla ipuku 5 mése ha upépe ojestudia ha oñehesaʼỹijo porã Ñandejára Ñeʼẽ. Upépe ikatu oho umi prekursór oipurupaitéva hína itiémpo predikasiónpe, umi oservíva Betélpe ha umi superintendénte. Ko eskuéla ombokatupyry chupekuéra oipytyvõ porãve hag̃ua pe tembiapo ojejapóvape hína ko yvy tuichakuére.

  • ¿Maʼerãpa ojejapo pe Eskuéla Prekursorkuérape g̃uarã?

  • ¿Maʼerãpa ojejapo pe Eskuéla Oñembokatupyryve hag̃ua umi Opredikávape?