Francia

Polonia

Rusia

Jesucristo heʼi hemimboʼekuérape: “Pehesape vaʼerã umi hénte renondépe, haʼekuéra ohecha hag̃ua umi mbaʼe porã pejapóva ha ombotuicha pende Ru oĩva yvágape” (Mateo 5:16). Upearã roiporu porã umi mbaʼe pyahu osẽ ramovéva, umíva apytépe Internet. Pe jw.org haʼe pe direksión roiporúva ore testígo de Jehová rohechauka hag̃ua mbaʼépa rojapo ha avei umi mbaʼe rogueroviáva. ¿Mbaʼe mbaʼépa retopáta pype?

Ombohovái umi mbaʼe pyʼỹinte ñañeporandúva. Upépe retopáta mbaʼéichapa oñembohovái umi mbaʼe iñimportánteva yvypóra oikuaaséva. Pór ehémplo pe tratádo ¿Opánepa jehasa asy? ha ¿Añetehápepa oikove jeýta umi omanóva? oĩva más de 600 idiómape. Avei retopáta pe Traducción del Nuevo Mundo más de 130 idiómape ha umi puvlikasión roiporúva rostudia hag̃ua ore rapichándi la Biblia, umíva apytépe ¿Mbaʼépa ñanemboʼe la Biblia?, rrevísta Ñemañaha ha ¡Despertad! osẽ ramovéva. Heta koʼã puvlikasión apytégui oĩ ikatúva relee, rehendu térã reimprimi, orekógui formáto MP3, PDF térã EPUB. Ikatu reimprimi umi informasión oipytyvõtava nde rapichápe iñeʼẽtepe. Oĩ avei heta puvlikasión vidéope umi ohenduʼỹvape g̃uarã, ikatu avei remboguejy lektúra vívlika dramatisáda, dráma orrepresentáva umi istória oĩva la Bíbliape ha músika igústova.

Informasión ohechaukáva mbaʼépa ojapo umi testígo de Jehová. Internétpe roreko peteĩ direksión omombeʼúva umi notísia ipyahuvéva ha vidéo ohechaukáva mbaʼéichapa ropredika opárupi, ohechauka avei mbaʼépa rohasa ha umi mbaʼe porã rojapóva ore rapicha rehehápe. Oñemoĩ avei upépe moõ ha arakaʼépa ojejapóta umi Aty guasu ha mbaʼéichapa ikatu oñemondo informasión umi sukursálpe.

Péicha oñemog̃uahẽ pe marandu porã mombyryvehápe jepe ko yvy ape ári, umíva apytépe Antártidape, ikatu hag̃uáicha hetave tapichápe oñepytyvõ oikuaa hag̃ua Jehovápe. Akóinte roñemboʼe “ikatu hag̃uáicha Jehová Ñeʼẽ osegi iñasãi pyaʼe ha enterove ombotuicha hag̃ua [chupe]” (2 Tesalonicenses 3:1).

  • ¿Mbaʼéichapa jw.org oipytyvõ hetave tapicha oikuaa hag̃ua pe añetegua oĩva la Bíbliape?

  • ¿Mbaʼe informasiónpa rehekaseve ore direksiónpe Internétpe?