Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 3

¿Mbaʼéichapa ojekuaarakaʼe mbaʼépa añetehápe omboʼe la Biblia?

¿Mbaʼéichapa ojekuaarakaʼe mbaʼépa añetehápe omboʼe la Biblia?

Umi Estudiánte de la Biblia, áño 1870 rupi

Primera rrevísta Ñemañaha osẽ vaʼekue (1879)

Ñemañaha koʼag̃agua

La Biblia heʼi Jesucristo omano rire, umi kristiáno ypykue apytégui opuʼãtaha mboʼehára japu omboʼéva heta mbaʼe noĩriva Ñandejára Ñeʼẽme (Hechos 20:29, 30). Ha upeichaite oiko. Umi mboʼehára japu ombojeheʼa Jesús omboʼe vaʼekue umi rrelihión japu omboʼévare ha upéicha oñepyrũ umi kristiáno guaʼu (2 Timoteo 4:3, 4). Péro, ¿mbaʼérepa roguerovia oĩ porãha ore testígo de Jehová rontendeháicha la Biblia?

Og̃uahẽ pe ára Ñandejára oikuaauka hag̃ua pe añetegua. Jehová heʼíma vaʼekue voi koʼã ára pahápe “pe añetegua hesakã porãvetaha” (Daniel 12:4 NM). Áño 1870-pe peteĩ grupoʼi oheka vaʼekue oikóvo mbaʼépa añetehápe omboʼe la Biblia, ohechakuaa heta mbaʼe umi iglésia omboʼéva noĩriha la Bíbliape. Upéicha rupi oñepyrũ ohesaʼỹijo hikuái Ñandejára Ñeʼẽ oikuaa hag̃ua pe añetegua, ha Jehová oipytyvõ chupekuéra ontende porãve hag̃ua la Biblia omboʼéva.

Umi kuimbaʼe jeroviapy ohesaʼỹijo porã vaʼekue la Biblia. Umi Estudiánte de la Biblia térã umi ermáno ymave guare ohesaʼỹijo porã vaʼekue la Biblia omyesakã hag̃ua peteĩ téma ha ojuhu jave umi téysto ijetuʼúva, oheka ambue téysto oipytyvõtava chupekuéra ontende porãve hag̃ua. Ha hesakã vove chupekuéra upe informasión, oanota hikuái. Péicha umi ermáno oheja la Biblia oñemyesakã ijeheguieténte ha upéicha rupi oikuaa mbaʼépa heʼi Ñandejára réra ha Irréinore. Avei mbaʼépa Ñandejára rembipota yvypóra ha ko yvýpe g̃uarã, mbaʼéichapa oĩ umi omano vaʼekue ha oñemoingove jeytaha chupekuéra. Umi ermáno ohesaʼỹijo porã rupi la Biblia ojei heta kostúmbregui ha umi japu ojegueroviávagui (Juan 8:31, 32).

Áño 1879-pe ohechakuaa hikuái og̃uahẽmaha pe ára ojekuaauka hag̃ua oparupiete pe añetegua. Upe áño guive ojapo hikuái pe rrevísta Ñemañaha Oikuaauka Jehová Sãmbyhy, ha koʼag̃aite peve ojejapo gueteri upéva. Ko tiémpope romombeʼu la Biblia omboʼéva 240 tetã ha territóriope ha más de 750 idiómape. ¡Neʼĩrava peichaite peve oñemog̃uahẽ opárupi pe añetegua!

  • ¿Mbaʼépa oiko Jesucristo omano rire?

  • ¿Mbaʼéichapa ojekuaa rakaʼe mbaʼépa añetehápe omboʼe la Biblia?