Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 1

¿Mbaʼeichagua tapichápa ore testígo de Jehová?

¿Mbaʼeichagua tapichápa ore testígo de Jehová?

Dinamarca

Taiwán

Venezuela

India

¿Mboy testígo de Jehovápepa reikuaa? Ikatu voi oime ne vesíno, ne kompañéro eskuelapegua térã nde travahohápe. Ikatu avei oime peteĩ testígo oñemongetáma nendive la Biblia heʼívare. ¿Mbaʼeichaguápa ore testígo de Jehová ha mbaʼérepa roñemongeta ore rapichakuérandi umi mbaʼe rogueroviávare?

Ore ningo umi ótro ore rapicháichante avei. Ore apytépe oĩ kuña ha kuimbaʼe opa tetãygua, imboriahu ha iplátava. Oĩ umi oreko vaʼekue voi irrelihión ha ótro katu ndojeroviái vaʼekue Ñandejárare. Péro oiko mboyve orehegui testígo de Jehová, enterovete roñemotiémpo rohesaʼỹijo hag̃ua la Biblia omboʼéva (Hechos 17:11). Roguerovia umi mbaʼe roaprendéva ha upéi orete rodesidi romombaʼeguasu Ñandejára Jehovápe.

Roheja la Biblia orepytyvõ. Ore ningo enterove ore rapichakuéraicha avei rojavy ha roguereko provléma. Péro roñehaʼã rupi rojapo la Biblia heʼíva tuicha roiko porãve (Salmo 128:1, 2). Upévare romombeʼu enterovépe umi mbaʼe porã roaprendéva la Bíbliagui.

Roiko la Biblia heʼiháicha. Umi mbaʼe porã omboʼéva la Biblia orepytyvõ roiko porã ha rovyʼa hag̃ua. Avei oremomýi rorrespeta hag̃ua ore rapichakuérape, ore onrrádo ha ore mbaʼeporã hag̃ua. Orepytyvõ ore resãi ha rojapo hag̃ua iporãva ore vesinokuérare, rojogueraha porã hag̃ua ore rogapýpe ha orerekopotĩ hag̃ua. Rohechakuaa “Ñandejára otrataha enterovépe peteĩchante”, upéicha rupi opa tetãygua roiko porãmba oñondive, ndaipóri oiko vaíva tetã ambuegua haguére térã ojoapoʼíva ipire kolór diferénte haguére. Ore ningo yvypórante avei peẽichagua, péro ndaipóri ambue organisasión oikóva peteĩ ñeʼẽme ore roikoháicha (Hechos 4:13; 10:34, 35).

  • ¿Mbaʼépepa ore testígo de Jehová rojojogua ore rapichakuéra ndive?

  • ¿Mbaʼépa oremboʼe la Biblia?