Ehecha oĩva pype

Ehecha oĩva pype

 LEKSIÓN 2

¿Mbaʼérepa roñehenói testigos de Jehová?

¿Mbaʼérepa roñehenói testigos de Jehová?

Noé

Abrahán ha Sara

Moisés

Jesucristo

Heta oĩ oimoʼãva umi testígo de Jehová haʼeha peteĩ rrelihión pyahu. Péro ojapóma 2.700 áño rasa, Ñandejára añetegua siervokuérape oñehenói hague “testígo” (Isaías 43:10-12, NM). Áño 1931 mboyve, roñehenói vaʼekue Estudiantes de la Biblia. ¿Mbaʼérepa upe rire rodesidi roñehenói testigos de Jehová?

Ohechaukágui mávapa ore Jára. Ohechaukaháicha umi dokuménto yma guare, Ñandejára réra Jehová, oĩ hetaiterei hendápe la Bíbliape. Upéicharõ jepe, heta Bíbliagui ojepeʼa ha oñemoĩ hendaguépe “Señór”, “Tupã” térã “Ñandejára”. Péro Ñandejára oñeʼẽrõ guare Moisés ndive omombeʼu chupe haʼe heraha Jehová, ha heʼi: “Kóva hína che réra opaite ára peve g̃uarã” (Éxodo 3:15, ÑÑB). Péicha ohechauka idiferenteha umi ñandejára guaʼúgui. Ore rovyʼa ha romombaʼeterei roñehenói haguére testigos de Jehová.

Ohechauka mbaʼépa rohupytyse. Yma Abel tiémpo guive oĩ hetaiterei tapicha ohechaukáva ojeroviaha Jehováre. Pór ehémplo, Noé, Abrahán, Sara, Moisés, David ha hetave tapicha oĩ vaʼekue umi “ojeroviaitéva” apytépe (Hebreos 11:4–12:1, ÑÑB). Ñapensamíntena peteĩ tapicha ojegueraha reiha trivunálpe, upéicha jave katuete oĩ oñeʼẽva ifavórpe odefende hag̃ua chupe. Upéicha avei, ore rodesidíma roikuaauka pe añetegua Ñandejáragui.

Rosegi Jesús ehémplo. La Bíbliape heʼi Jesús haʼeha “pe testígo jeroviaha ha añetegua” (Apocalipsis 3:14). Haʼe voi heʼi vaʼekue ou hague ‘oikuaauka Ñandejára réra’ ha “pe añetegua” (Juan 17:26; 18:37). Upévare, hemimboʼekuéra orrepresenta vaʼerã Jehovápe ha oikuaauka héra. Ore roñehaʼãmbaite rojapo upéva.

  • ¿Mbaʼérepa rodesidi roñehenói testigos de Jehová?

  • ¿Arakaʼe guivépa Jehová oguereko itestígo ko yvy ape ári?

  • ¿Mávapa pe testígo de Jehová ijojahaʼỹva oiko vaʼekue?