Canadá

Opredika ogahárupi

Omboʼe hapichápe

Ostudia haʼeñohápe

 

Prekursór hína umi tapicha omoñepyrũva peteĩ mbaʼe ha oavríva tape pyahu térã território umi hapykuéri oúvape g̃uarã. Jaʼekuaa Jesús haʼe hague peteĩ prekursór, oñembou rupi chupe ko yvy ape ári ojapo hag̃ua peteĩ tembiapo ijojahaʼỹva ha oavri peteĩ tape pyahu ikatu hag̃uáicha yvyporakuéra ojesalva (Mateo 20:28). Koʼág̃a avei rosegi iñehémplo ha roipuru ikatuháicha ore tiémpo roipytyvõ hag̃ua ore rapichápe oiko hag̃ua chugui Jesús remimboʼe (Mateo 28:19, 20). Upévare heta oĩ odesidíva ojapo iprekursorádo.

Oipurupaitéva itiémpo predikasiónpe. Opavave testígo de Jehová ningo romombeʼu pe marandu porã. Péro oĩ umi omohendáva itiémpo ojapo hag̃ua prekursorádo rregulár ha káda mes opredika 70 óra. Upearã oĩ ombaʼapóva mediodíante. Ótrope katu ojeporavo ojapo hag̃ua prekursorádo espesiál ha oñemondo umi lugár oñekotevẽhápe maranduhárare. Haʼekuéra opredika 130 térã hetave óra káda mes. Umi prekursór oiko ikatumiháichante ha ojerovia Jehová omeʼẽtaha chupekuéra oikotevẽva (Mateo 6:31-33; 1 Timoteo 6:6-8). Ha umi ndaikatúiva ojapo iprekursorádo rregulár térã espesiál, ikatu ojapo prekursorádo auxiliár ha opredika 30 térã 50 óra peteĩ méspe.

Umi prekursór oporopytyvõ ohayhúgui Ñandejárape ha hapichakuérape. Jesucrístoicha rohechakuaa koʼág̃a heta ore rapicha tekotevẽha oikuaa Ñandejárape (Marcos 6:34). Ha romombeʼúramo umi mbaʼe porã oikótava tenonderãme, koʼág̃ama voi oipytyvõta chupekuéra. Umi prekursór ohayhúgui hapichakuérape oipuru itiémpo ha imbaretekue omog̃uahẽ hag̃ua opavavépe pe marandu porã (Mateo 22:39; 1 Tesalonicenses 2:8). Upéva oipytyvõ avei chupekuéra omombarete hag̃ua ijerovia ha oñemoag̃uive hag̃ua Ñandejárare, upévare ovyʼaiterei hikuái (Hechos 20:35).

  • ¿Mbaʼépa heʼise prekursór?

  • ¿Mbaʼépa omomýi heta ermánope oipurupaite hag̃ua itiémpo predikasiónpe?