Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

¿Mbaʼépa Ñandejára rembipota?

¿Mbaʼépa Ñandejára rembipota?

Ñandejára oipota opa árare jaiko vyʼa ha pyʼaguapýpe peteĩ hardín neporãvape ko yvy ape ári.

Ikatu reñeporandu: “¿Mbaʼéicha piko oikóta umíva?”. La Biblia heʼi Ñandejára Rréino rupive ojehupytytaha koʼã mbaʼe. Ñande Apohare oipota opavave oikuaa mbaʼépa upe Rréino ha umi mbaʼe porã oguerútava yvyporakuérape g̃uarã (Salmo 37:11, 29; Isaías 9:7).

Ñandejára oipota iporãvante ñandéve g̃uarã.

Peteĩ túva ohayhuháicha ifamíliape, ñande Ru yvagapegua oipota iporãvante ñandéve g̃uarã. Jehová oipota jaiko vyʼápe opa árare (Isaías 48:17, 18). La Biblia opromete: “Pe ojapóva Ñandejára rembipota opyta opa ára g̃uarã” (1 Juan 2:17).

Ñandejára oipota jaguata hapére.

La Biblia ohechauka porã ñande Apohare ‘ñanemboʼeseha hape’ ikatu hag̃uáicha ‘jaguata hapére’ (Isaías 2:2, 3, ÑÑB). Haʼe oprepara “peteĩ tetã ogueraha vaʼerã héra” oikuaauka hag̃ua hembipota ko yvy tuichakuére (Hechos 15:14).

Ñandejára oipota ñamombaʼeguasu chupe peteĩ ñeʼẽme.

Pe rrelihión añetegua omomombyry rangue umi héntepe ojuehegui, oipytyvõ chupekuéra oiko hag̃ua mborayhúpe oñondivepa (Juan 13:35). ¿Mávapa umi omboʼéva hína kuña ha kuimbaʼe opa tetãyguápe omombaʼeguasu hag̃ua Ñandejárape peteĩ ñeʼẽme? Romokyreʼỹ rehecha hag̃ua upéva ko follétope.