Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 9

¿Mbaʼéichapa jajepreparavaʼerã rreunionrã?

¿Mbaʼéichapa jajepreparavaʼerã rreunionrã?

Camboya

Ucrania

Restudiáramo la Biblia peteĩ testígo de Jehovándi, oime vaʼerã rejeprepara jepi restudia mboyve. Upéicha avei restudiáramo reho mboyve rreunionhápe, katuete nepytyvõvéta. Rejepokuaárõ rejeprepara porã, hetaiterei mbaʼe reaprendevéta.

Ehecha mbaʼe óra ha moõpa restudiáta. ¿Mbaʼe órapa opyta porãve ndéve restudia hag̃ua? ¿Pyharevete rembaʼapo mboyve, térãpa pyhare okepa rire mitãnguéra? Saʼíramo jepe ne tiémpo, rehecha vaʼerã mboy órapa restudiáta ha ani reheja mbaʼeve omboykeka ndéve upéva. Eiporavo peteĩ lugár avave nemolestaʼỹ hag̃uáme, emboty téle, rrádio ha embogue nde selulár. Avei reñemboʼéramo restudia mboyve nepytyvõta nderesarái hag̃ua umi mbaʼe ndepyʼapývagui ha rejesareko porãvéta Ñandejára Ñeʼẽ heʼívare (Filipenses 4:6, 7).

Emarka umi ñeʼẽ iñimportantevéva ha ekomenta. Ñepyrũrã rehecha vaʼerã mbaʼérehepa oñeʼẽ pe artíkulo térã kapítulo. Ehecha mbaʼéichapa pe título ha umi subtítulo ojogueraha pe témandi, emaña umi taʼangáre ha elee umi porandu oĩva opakuévo. Upéi elee káda párrafo ha embohovái umi porandu oĩva upe párrafope g̃uarã. Eheka la Bíbliape umi téxto ndojekopiáiva ha ehecha mbaʼéichapa oho upe témare (Hechos 17:11). Remarka vaʼerã retopa vove mbaʼéichapa oñembohovái umi porandu térã umi párte nepytyvõtava nemanduʼa hag̃ua pe rrespuéstare. Rejapóramo upéicha, rreunionhápe ikatúta remopuʼã nde po ha rekomenta ne ñeʼẽtépe.

Restudiáramo umi téma oñehesaʼỹijótava rreunionhápe káda semána, katuete reikuaáta hetave mbaʼe Ñandejára Ñeʼẽgui, ikatúva ñambojoja umi tesórore (Mateo 13:51, 52).

  • ¿Mbaʼépa ikatu rejapo restudia hag̃ua rreunionrã?

  • ¿Mbaʼéichapa ikatu rejeprepara rekomenta hag̃ua rreunionhápe?