Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 15

¿Mbaʼéichapa umi ansiáno oipytyvõ kongregasiónpe?

¿Mbaʼéichapa umi ansiáno oipytyvõ kongregasiónpe?

Finlandia

Oporomboʼe

Oporovisita

Opredika

Ore organisasiónpe ndojepagái umi kuimbaʼe omoakãvape kongregasión. Upéva rangue, ojejapo haguéicha yma umi kongregasión kristiána ypykuépe, oñemoĩ umi ansiáno ikatupyrývape ‘oñangareko hag̃ua ovecharerekuáicha Ñandejára kongregasiónre’ (Hechos 20:28). Koʼã ansiáno ojerovia mbarete Jehováre, oisãmbyhy ha oñangareko kongregasión rehe. Péro ndojapói upéva ‘oĩgui oovligáva chupekuéra, ni pokarẽme ojaprovechase rupi hesekuéra; síno ojapo vyʼápe ha kyreʼỹme’ (1 Pedro 5:1-3). ¿Mbaʼe mbaʼépa ojapo hikuái kongregasión rehehápe?

Ojepyʼapy ha oñangareko orerehe. Umi ansiáno, la Biblia rupive omboʼe ermanokuérape ha oipytyvõ chupekuéra akóinte oñemoag̃ui hag̃ua Jehováre. Haʼekuéra oikuaágui Ñandejára omeʼẽha chupekuéra ko tembiapo, ndoikói omandase kongregasiónpe, síno ojapo ikatúva guive umi ermáno ovyʼa ha oñeñandu porã hag̃ua (2 Corintios 1:24). Peteĩ ovecharerekua oñangarekoháicha káda ijovecháre, umi ansiáno oñehaʼã oikuaa peteĩteĩ Ñandejára ovechakuérape (Proverbios 27:23).

Oremboʼe rojapo hag̃ua Ñandejára rembipota. Káda semána umi ansiáno omoakã umi rreunión orepytyvõva romombarete hag̃ua ore jerovia (Hechos 15:32). Koʼã ermáno ombaʼapo jejopýva ningo omotenonde avei predikasión, opredika orendive ha orepytyvõ hikuái orekatupyryve hag̃ua upévape.

Oremokyreʼỹ káda únope. Umi ansiáno orepytyvõ káda únope romombarete hag̃ua ore jerovia Jehováre. Upearã orevisita ore rógape, oñemongeta orendive Salón del Réinope, oremokyreʼỹ ha orembopyʼaguapy la Biblia rupive (Santiago 5:14, 15).

Umi ansiáno ningo ndahaʼéi kongregasiónpe añónte ombaʼapóva, ombaʼapo avei omantene hag̃ua ifamília ha oñangareko hesekuéra. Upévare, jarrespeta vaʼerã koʼã ermáno ombaʼapo jejopývape (1 Tesalonicenses 5:12, 13).

  • ¿Mbaʼéichapa umi ansiáno oipytyvõ kongregasiónpe?

  • ¿Mbaʼéichapa ohechauka hikuái ojepyʼapyha peteĩteĩre kongregasiónpe?