Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 6

¿Mbaʼéichapa ñanepytyvõ jajeheʼáramo ermanokuérare?

¿Mbaʼéichapa ñanepytyvõ jajeheʼáramo ermanokuérare?

Madagascar

Noruega

Líbano

Italia

Tiémpo vai térã rohasátaramo jepe kaʼaguy, ore testígo de Jehová ndorofaltái rreunionhápe. ¿Mbaʼérepa roñehaʼãmbaite roñembyaty ermanokuérandi rohasáramo jepe heta mbaʼe ijetuʼúva ha orekaneʼõramo jepe roju rire ore travahohágui?

Ñanepytyvõ jaiko porãve hag̃ua. Apóstol Pablo heʼírõ guare tekotevẽha ñañembyaty, heʼi: “Jajepyʼapýkena ojuehe ñande pyʼaite guive” (Hebreos 10:24). Koʼápe Pablo ñanemokyreʼỹ jajokuaa porãve ha jajepyʼapy hag̃ua ojuehe. Jaikuaa porãvo umi ermáno oĩvape kongregasiónpe, jahechakuaáta oĩha heta ombohovái vaʼekue umi mbaʼe ñande jahasáva ha ikatúva ñanepytyvõ jagueropuʼaka hag̃ua.

Jareko hag̃ua amígo teete. Rreunionhápe ningo ñaime umi ñane amígo teete apytépe. Ore sapyʼánte roñembyaty jepi avei rojediverti hag̃ua ermanokuéra ndive. ¿Mbaʼépepa orepytyvõ upéva? Orepytyvõ roñomombaʼeve hag̃ua ha upéicha rupi rojoayhuve. Ha ore ermanokuéra ohasa jave peteĩ mbaʼe ijetuʼúva, ore amígo teete rupi, pyaʼe roipytyvõ chupekuéra (Proverbios 17:17). Jajeheʼávo opavavére kongregasiónpe, jahechauka ‘jajepyʼapyha ojuehe’ (1 Corintios 12:25, 26).

Romokyreʼỹ reiporavo hag̃ua ne amigorã umi ojapóva Ñandejára rembipota. Umichagua ne amigorã rejuhúta testígo de Jehová apytépe. Aníkena reheja mbaʼeve ndejoko reñembyaty hag̃ua orendive.

  • ¿Mbaʼérepa iporã ñañembyaty ermanokuéra ndive kongregasiónpe?

  • ¿Arakaʼépa rehose reikuaa ore kongregasión?