Ehecha oĩva pype

Ehecha oĩva pype

 LEKSIÓN 24

¿Mbaʼéichapa ojepaga umi gásto ojeguerekóva ojepredika hag̃ua?

¿Mbaʼéichapa ojepaga umi gásto ojeguerekóva ojepredika hag̃ua?

Nepal

Togo

Gran Bretaña

Ore organisasión káda áño ojapo ha omeʼẽ hetaiterei Biblia ha ambue puvlikasión ojepagaʼỹre hese mbaʼeve. Romopuʼã Salón del Reino, sukursál ha romyatyrõ tekotevẽhápe. Avei oñepytyvõ ha oñemantene umi misionéro ha vetelítape, ha oiko jave sarambi roguerahauka ermanokuérape umi mbaʼe oikotevẽtava. ¿Mbaʼéichapa ojepaga koʼã mbaʼére?

Ndojejeruréi diésmo ni pláta. Heta ojegastáramo jepe oñemog̃uahẽ hag̃ua pe marandu porã opárupi, arakaʼeve ndorojeruréi pláta ore rapichakuérape. Ojapóma cien áño rasa peteĩ rrevísta Ñemañaha heʼi hague Jehová orepytyvõha ha arakaʼeve iñorganisasión ndojeruremoʼãiha limósna ni yvypórape oipytyvõ hag̃ua chupe. Ha upeichaite añete oiko (Mateo 10:8).

Ojepaga kontrivusión voluntária rupive. Heta hénte omombaʼeterei romboʼe haguére la Biblia ore rapichápe ha orepytyvõ ikontrivusión voluntária rupive. Ore testígo de Jehová voi roiporu ore mbaretekue, ore tiémpo ha umi mbaʼe roguerekóva ojepredika hag̃ua opárupi Ñandejára oipotaháicha (1 Crónicas 29:9). Umi Salón del Réinope ha aty guasuhápe oĩ káha, umi omeʼẽséva ikontrivusión omoĩ hag̃ua upépe. Ikatu avei oñemeʼẽ Internet rupive umi kontrivusión ojeikévo ko sítiope: www.jw.org. Hetaiteve tapicha imboriahúva omeʼẽ ikontrivusión, ojogua pe viúda Jesús ohecha vaʼekue omoĩha mokõi monedaʼi pe káha de kontrivusiónpe ha omombaʼeterei upéva (Lucas 21:1-4). Oimeraẽva ikatu ‘omboyke michĩmi orekóvagui’ omeʼẽ hag̃ua ikontrivusión “ipyʼapýpe oñanduháicha” (1 Corintios 16:2; 2 Corintios 9:7).

Rojerovia Jehová osegitaha omomýi umi ombotuichasévape chupe imabaʼerepy rupive, ikatu hag̃uáicha oipytyvõ ojekuaauka hag̃ua pe marandu porã, ha upéicha oñekumplihína Jehová rembipota (Proverbios 3:9).

  • ¿Mbaʼépepa idiferénte ore organisasión umi ambue rrelihióngui?

  • ¿Mbaʼéichapa ojeporu umi kontrivusión oñemeʼẽva?