Estonia

Zimbabue

Mongolia

Puerto Rico

Umi Salón del Reino de los Testigos de Jehová ogueraha Ñandejára réra marangatu, upévare akóinte ipotĩ ha oĩ porã vaʼerã. Tuichaiterei mbaʼe ñandéve g̃uarã upéva ha enterove ñañehaʼã vaʼerã ñaipytyvõ. Upéicha ningo ñamombaʼeguasu avei Jehovápe.

Ñañekuaveʼẽ ñamopotĩ hag̃ua rreunión rire. Opa rire káda rreunión umi ermáno oñekuaveʼẽ oitypei ha omopotĩʼimi hag̃ua pe Salón, ha una vés káda semána katu oñemopotĩ porã. Peteĩ ansiáno térã siérvo ministeriál omoakã umi tembiapo. Ojapo pe prográmape oĩháicha: ojetypei, ojerrepasa, oñemohenda umi sílla, oñemopotĩ umi váño, espého, ojepeʼa yvy timbo umi ventánagui, oñemombo yty, ha oñemopotĩ avei okápe Salón renonde. Ha káda áño, ojejapo peteĩ limpiésa henerál. Upéicha jave iporã avei oñemeʼẽramo umi mitãme hembiaporã ivevyimíva, upéva tuicha oipytyvõta chupekuéra omombaʼe hag̃ua pe lugár jaiporúva ñamombaʼeguasu hag̃ua Jehovápe (Eclesiastés 5:1).

Ñaipytyvõkena oñemyatyrõ hag̃ua. Káda áño ojerrevisapaite pe Salón hyepýguio ha okáguio ojehecha hag̃ua mbaʼépa tekotevẽ ojejapo akóinte oĩ porã ha ani hag̃ua avei amo gotyove hetave ojegasta noñemyatyrõigui itiémpope (2 Crónicas 24:13; 34:10). Jehová omerese ñamombaʼeguasu chupe peteĩ Salón ipotĩ ha oĩ porãvape. Ñañekuaveʼẽramo ñamyatyrõ hag̃ua pe Salón, jahechaukáta ñamombaʼe ha jahayhuha Jehovápe (Salmo 122:1). Avei umi hénte oikóva pe Salón jerére imanduʼa porãta ñanderehe (2 Corintios 6:3).

  • ¿Mbaʼérepa ñañatende porã vaʼerã Salón del Reino rehe?

  • ¿Mbaʼe mbaʼépa ojejapo akóinte ipotĩ hag̃ua Salón del Reino?