Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 113

Pablo oĩ Rómape

Pablo oĩ Rómape

EHECHAMI pe kadéna oguerekóva Pablo, ha emañami pe soldádo rrománo hese oñatendévare. Pablo oĩ préso Rómape. Ohaʼarõ pe César Romaygua heʼi mbaʼépa ojejapóta chugui. Oĩ aja préso, oheja hikuái ojeike hendápe.

Tres día og̃uahẽ rire Rómape, Pablo ohenoiuka umi líder hudíope. Upévare heta hudío oĩva Rómape ou hendápe. Pablo opredika chupekuéra Jesús ha Ñandejára Rréinogui. Oĩ umi ogueroviáva ha oikóva chuguikuéra kristiáno, péro oĩ avei ndogueroviáiva.

Pablo avei opredika umi soldádope oñatendéva hese. Umi dos áño oĩ aja préso koʼápe opredika ikatúvape guive. Upéva rupi César rogaygua jepe ohendu umi notísia porã Ñandejára Rréino rehegua, ha umívagui oĩ oikóva kristiáno.

Ha máva piko pe visíta oskrivivahína pe mesápe? Ndépa reikuaa mávapa? Upéva Timoteo. Timoteo ohókuri avei kárselpe opredikahaguére Ñandejára Rréinogui, ha koʼág̃a osẽ jeýma. Haʼe oúkuri oipytyvõ hag̃ua Páblope. Ndépa reikuaa mbaʼépa oskrivihína Timoteo? Jahechami.

Nemanduʼápa umi siuda hérava Filipos ha Éfesore? Ñañeʼẽkuri chuguikuéra istória 110-pe. Pablo oipytyvõvaʼekue upérupi oñepyrũ hag̃ua kongregasión kristiána. Ha koʼág̃a, oĩ aja préso, oskrivi umi kristiáno upepeguápe. La Bíbliape oĩ umi kárta, ha héra Efesios ha Filipenses. Pablo heʼihína Timotéope mbaʼépa oskrivíta iñamigokuéra oĩva Filípospe.

Umi Filiposgua imbaʼeporãitereivaʼekue Pablo ndive. Haʼekuéra oguerahaukákuri chupe peteĩ rregálo kárselpe, ha upévare Pablo oagradesehína chupekuéra. Pe rregálo ogueru Epafrodito. Péro haʼe hasyetékuri ha haimete omano. Koʼág̃a oĩ porãma ha ohopota jeýma hógape. Oho jey vove Filípospe haʼe ogueraháta ko kárta oskrivivahína Pablo ha Timoteo.

Oĩ aja kárselpe, Pablo oskrivive mokõi kárta jaguerekóva la Bíbliape. Peteĩ haʼe umi kristiáno oĩva Colósaspe g̃uarã. Reikuaápa nde mbaʼéichapa héra? Héra Colosenses. Upe ótro katu oskrivi iñamigoite Filemónpe, oikóva avei Colósaspe. Pe kártape oñeʼẽ Onésimo rehe, haʼéva peteĩ Filemón siérvo.

Onésimo okañýkuri Filemóngui ha ou Rómape. Haʼe oikuaa Pablo oĩha kárselpe, ha oho hendápe, ha Pablo opredika chupe. Onésimogui pyaʼe oiko avei peteĩ kristiáno. Koʼág̃a Onésimo ombyasy okañyhague. Upévare, reikuaápa mbaʼe oskrivi Pablo Filemónpe ko kártape?

Pablo ojerure Filemónpe operdona hag̃ua Onésimope. ‘Amondo jey ne rendápe’, oskrivi Pablo. ‘Péro haʼe koʼág̃a ndahaʼevéima nde siérvo añónte, síno peteĩ ermáno kristiáno.’ Oho jeývo Onésimo Colósaspe, ogueraha umi mokõi kárta, peteĩ umi Colosasguápe ha pe ótro Filemónpe. Oiméne Filemón ovyʼaitéraʼe oikuaávo isiérvo Onésimo haʼeha koʼág̃a peteĩ kristiáno haʼéicha avei!

Oskrivívo Pablo umi Filiposguápe, ha Filemónpe, omeʼẽ chupekuéra heta notísia porã. ‘Amondo peẽme Timotéope’, heʼi Pablo umi Filiposguápe. ‘Péro che avei koʼẽrõite aháta pene rendápe.’ Ha Filemónpe oskrivi: ‘Ehecha chéve peteĩ lugár apyta hag̃ua’.

Ojepoi rire chugui, Pablo oho ovisita iñermáno kristianokuérape heta henda rupi. Péro upéi Pablo oho jey préso Rómape. Koʼág̃a haʼe oikuaáma ojejukataha chupe. Upévare, oskrivi Timotéope ha ojerure chupe pyaʼe ou hag̃ua. ‘Che aservíma fielménte Ñandejárape’, oskrivi Pablo, ‘ha Ñandejára omyengoviáta chéve’. Mbovymi áño omano rire Pablo, Jerusalén oñehundi jey. Koʼág̃a umi rromanoháma ohundi Jerusalénpe.

Péro hetave mbaʼe oĩ la Bíbliape. Ñandejára Jehová oskriviuka apóstol Juánpe umi último lívro oĩva la Bíbliape. Peteĩva haʼe Revelación, omombeʼúva umi mbaʼe oikótava tenonderãme. Jahecháta koʼág̃a mbaʼépa oĩ tenonderã.