Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 103

Kotýpe, okẽ ñembotypýpe

Kotýpe, okẽ ñembotypýpe

PEDRO ha Juan osẽ rire pe túmbagui, Jesús retekue oĩhaguégui, María opyta upépe haʼeño ha oñepyrũ hasẽ. Upe rire omaʼẽ pe túmba ryepýpe, ha ohecha mokõi ánhel! Haʼekuéra oporandu chupe: ‘Mbaʼére piko nerasẽ?’.

María okontesta: ‘Ojegueraha Jesúspe koʼágui ha ndaikuaái moõpa oñemoĩ’. Ha ojerévo ohecha peteĩ kuimbaʼépe. Upe kuimbaʼe oporandu chupe: ‘Mávapepa reheka?’.

María oimoʼã upe kuimbaʼe haʼeha pe hardinéro, ha oguerahahague Jesús retekue. Upévare, heʼi chupe: ‘Oimérõ nde regueraha, eréna chéve moõpa remoĩ’. Péro ko kuimbaʼéningo Jesús. Jesús ndoiporúi pe hete oguerekovaʼekue, ha upévare María ndoikuaái chupe. Péro ohenóivo chupe héra rupi, haʼe oikuaa haʼeha Jesús. Upémaramo osẽ odispara Jesús disipulokuéra rendápe, ha heʼi chupekuéra: ‘Ahecha Jesúspe!’.

Upe rire, mokõi disípulo ohokuévo táva Emaúspe, peteĩ kuimbaʼe omoirũ chupekuéra. Haʼekuéra ombyasyeterei ohóvo Jesús omanohague. Péro ohokuévo hikuái, pe kuimbaʼe omyesakã chupekuéra heta mbaʼe la Bíbliagui, ha haʼekuéra oñeñandu porãve. Upéi, opytávo hikuái okaru hag̃ua, umi disípulo ohechakuaa sapyʼa ko kuimbaʼe haʼeha Jesús. Upe jave haʼekuéra ndohechavéi Jesúspe, ha pyaʼe oho jey hikuái Jerusalénpe omombeʼu hag̃ua umi apóstolpe.

Upéva oiko aja, Jesús ojehechauka avei Pédrope. Umi ótro ovyʼaiterei oikuaávo koʼã mbaʼe. Upémaramo umi mokõi disípulo oho Jerusalénpe ha otopa umi apostolkuérape. Heʼi umi apóstolpe Jesús ojehechaukahague chupekuéra tapére. Haʼekuéra omombeʼu aja koʼã mbaʼe, ndépa reikuaa mbaʼépa oiko?

Emañamína ko taʼangáre. Jesús oike upepete voi, pe kotýpe, jepe oñemboty porã pe okẽ. Mbaʼeichaitépa ovyʼa idisipulokuéra! Tuichaite mbaʼépa pe oikóva pe árape! Ikatúpa reipapa mboy vésemapa Jesús ojehechauka idisipulokuérape? Ndahaʼéipa cinco?

Pe apóstol Tomás ndaipóri hendivekuéra Jesús ojehechaukárõ guare. Upévare umi disípulo heʼi chupe: Rohecha Jesúspe!’. Tomás katu heʼi haʼete ohechavaʼerãha oguerovia hag̃ua. Ha neĩ, ocho día rire umi disípulo oĩ jeýma peteĩ koty ñembotypýpe, ha koʼág̃a Tomás oĩ avei. Upépe Jesús ojehechauka sapyʼa chupekuéra, ha Tomás koʼág̃a oguerovia.