Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

PÁRTE 7

Jesús oñemoingove jey guive Pablo oho peve kárselpe

Jesús oñemoingove jey guive Pablo oho peve kárselpe

Tercer día omanohaguépe, Jesús oñemoingove jey. Upe árape ojehechauka isegidorkuérape cinco diferénte hendápe. Ojehechauka chupekuéra 40 día aja. Upe rire, omaña aja hese idisipulokuéra, Jesús ojupi yvágape. Diez día ohasa rire, Ñandejára oñohẽ espíritu sánto Jesús segidorkuérare, ohaʼarõvahína Jerusalénpe.

Upe rire, Ñandejára enemigokuéra oguerahauka umi apóstolpe kárselpe, péro peteĩ ánhel oguenohẽ chupekuéra upégui. Umi enemígo ojuka itápe disípulo Estébanpe. Péro jaikuaa Jesús oiporavohague umi enemigokuéra apytégui peteĩme oiko hag̃ua chugui isiérvo espesiál, ha upéva haʼe pe apóstol Pablo. Upémaramo, tres áño ha seis mése Jesús omano rire, Ñandejára omondo apóstol Pédrope opredika hag̃ua Cornéliope, peteĩ ndahaʼéiva hudío, ha hogayguápe.

Ohasa rire 13 áño rupi, Pablo ojapo pe primer viáhe opredika hag̃ua. Pe segundo viáhepe, Timoteo omoirũ chupe. Oservi aja Ñandejárape, Pablo ha umi omoirũva chupe ohasa hetaiterei mbaʼére. Upéi, Pablo oho kárselpe Rómape. Dos áño haguépe ojepoi chugui, péro upe rire oho jey kárselpe ha ojejuka upépe. PÁRTE 7-pe oñemombeʼu umi mbaʼe 32 áñope oikovaʼekue.

 

KO PÁRTEPE

ISTÓRIA 102

Jesús oikove

Peteĩ ánhel oipeʼárõ guare pe ita oñemoĩva Jesús sepultúra rokẽme, umi soldádo tuicha oñemondýi omañávo hyepýpe.

ISTÓRIA 103

Kotýpe, okẽ ñembotypýpe

¿Mbaʼérepa Jesús disipulokuéra ndoikuaái chupe haʼe orresusita rire?

ISTÓRIA 104

Jesús oho jey yvágape

Jesús oho mboyve yvágape onkarga idisipulokuérape peteĩ traváho iñimportantetereíva.

ISTÓRIA 105

Ohaʼarõ hikuái Jerusalénpe

¿Mbaʼérepa Jesús omeʼẽ idisipulokuérape espíritu sánto pe fiésta de Pentekostés aja?

ISTÓRIA 106

Oñenohẽ chupekuéra kárselgui

Umi omoakãva hudiokuéra rrelihión omondo kárselpe umi apóstolpe anive hag̃ua opredika. Péro Ñandejára oipytyvõ chupekuéra.

ISTÓRIA 107

Esteban ojejuka itápe

Esteban oñemboʼe Ñandejárape ojejukátarõ guare chupe.

ISTÓRIA 108

Damasco rapére

Saulo ohecha peteĩ lus ha ohendu álgien oñeʼẽha chupe yvágagui, upéva okambiaite chupe.

ISTÓRIA 109

Pedro oho Cornelio rendápe

¿Opensápa Ñandejára oĩha país térã rrása iporãvéva ótrogui?

ISTÓRIA 110

Timoteo oipytyvõ Páblope

Timoteo oheja pe lugár onase hague ha oho opredika Páblondi diferénte lugárpe.

ISTÓRIA 111

Peteĩ mitãkuimbaʼe okevaʼekue

Eutico opyta oke Pablo ojapo aja peteĩ diskúrso, péro pe segundo diskúrso aja ndokeveietéma. ¿Mbaʼépa oiko raʼe hese?

ISTÓRIA 112

Ojesalva hikuái peteĩ íslape

Ñandejára ombopyʼaguapy Páblope ohasárõ guare peteĩ situasión ijetuʼuetereíva.

ISTÓRIA 113

Pablo oĩ Rómape

¿Mbaʼéichapa Pablo lomímonte okumpli porã hembiapo oĩ aja préso?