Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 101

Jesúspe ojejuka

Jesúspe ojejuka

EMAÑAMI ko mbaʼe vaiete oikovahína! Ojuka hikuái Jesúspe. Oñemosaingo peteĩ yvyráre. Ojeklava ipo ha ipýgui. Mbaʼérepa oĩ ojaposéva ko mbaʼe Jesús rehe?

Oĩgui ndaijaʼéiva hese. Reikuaápa nde mávapa umíva? Umíva apytépe oĩ pe ánhel aña Satanás el Diablo. Haʼe rupi Adán ha Eva odesovedesevaʼekue Jehovápe. Ha Satanás avei ojapouka Jesús enemigokuérape ko mbaʼe ivaietéva.

Oñemoĩ mboyve pe yvyráre, umi ndaijaʼéiva Jesús rehe ojapo hese heta mbaʼe ivaietereíva. Nemanduʼápa haʼekuéra ouhague hardín de Getsemanípe ha ogueraha chupe? Mávapa umi ndaijaʼeivaʼekue hese? Umi líder rrelihióso. Jahechami mbaʼépa oiko upe rire.

Umi líder rrelihióso oguerahárõ guare Jesúspe, ijapostolkuéra odisparapa. Haʼekuéra oñemondýi, ha oheja chupe haʼeño iñenemigokuéra ndive. Péro umi apóstol Pedro ha Juan ndohomombyrýi. Oho hapykuerikuéra ohecha hag̃ua mbaʼépa ojehu Jesúspe.

Umi saserdóte ogueraha Jesúspe Anás rendápe, péva haʼevaʼekue saserdóte guasu. Upe hénte aty sapyʼamínte opyta upépe. Upe rire Jesúspe ojegueraha Caifás rógape, haʼéva koʼág̃a saserdóte guasu. Upépe oĩ heta líder rrelihióso.

Caifás rógape ojejapo peteĩ huísio. Ogueru hikuái kuimbaʼekuéra heʼi hag̃ua japu Jesús rehe. Enterove umi líder rrelihióso heʼi: ‘Jesús ojejukavaʼerã’. Upémaramo haʼekuéra ondyvu Jesús rováre, ha oinupã chupe.

Oiko aja koʼã mbaʼe, Pedro oĩ okápe pe korapýpe. Roʼy upe pyharépe, ha umi hénte ojatapy. Ojepeʼe aja hikuái, peteĩ sirviénta omaʼẽ Pédrore ha heʼi: ‘Ko kuimbaʼe oĩkuri avei Jesús ndive’.

‘Nahániri, che naiméikuri hendive!’, okontesta Pedro.

Tres vése umi hénte heʼi Pédrope haʼe oĩhague Jesús ndive. Péro Pedro heʼi ndaupeichaiha. Ha pe tres vesehápe, Jesús ojere omaʼẽ hese. Pedro ombyasyeterei ijapuhaguére, ha oho hasẽ.

Osẽvo kuarahy upe viernes pyhareve, umi saserdóte ogueraha Jesúspe rreunión oguerekohápe, pe Sanedrín koty guasúpe. Upépe ohecha hikuái mbaʼépa ojapóta chugui. Ogueraha Jesúspe Poncio Pilato rendápe, haʼéva governadór Judea distrítope.

‘Kóva haʼe peteĩ kuimbaʼe iñañáva’, heʼi hikuái Pilátope. ‘Ojejukavaʼerã.’ Pilato, oporandu rire heta mbaʼe Jesúspe, heʼi: ‘Che ndatopái haʼe hembiapo vai hague’. Upémaramo Pilato oguerahauka Jesúspe Herodes Antipas rendápe. Herodes haʼe pe ogovernáva Galiléape, péro oĩ upe jave Jerusalénpe. Haʼe ndotopái avei Jesús hembiapo vai hague, ha oguerahauka jey Pilato rendápe.

Pilato opoise Jesúsgui. Péro umi ndaijaʼéiva Jesús rehe oipota opoi ótro présogui, Barrabásgui, haʼéva peteĩ mondaha. Asajepotaite jave Pilato oguenohẽ Jesúspe okápe. Pilato heʼi umi héntepe: ‘Pemaʼẽ! Pende rréi!’. Péro umi saserdóte prinsipál osapukái: Egueraha koʼágui! Ejuka!’. Upéicha, ojepoi Barrabásgui, ha ojegueraha Jesúspe ojejuka hag̃ua.

Voi upe viernes kaʼaru ojeklava chupe peteĩ yvyra rehe. Nderehecháiramo jepe ko taʼangápe Jesús ykére oñemoĩ avei mokõive henda gotyo peteĩ kriminál omano hag̃ua avei peteĩ yvyra rehe. Jesús omano mboyvemi, peteĩ heʼi chupe: ‘Nemanduʼákena cherehe reime vove ne rréinope’. Ha Jesús okontesta: ‘Apromete ndéve reimetaha chendive pe Paraísope’.

Ajépa iporãite ko promésa! Ndépa reikuaa mbaʼe paraísore oñeʼẽhína Jesús? Moõpa oĩrakaʼe pe Paraíso ojapo ypy vaʼekue Ñandejára? Oĩvaʼekue ko Yvy ape ári. Ha Jesús ogoverna vove yvágape, omoingove jeýta ko kuimbaʼépe oiko hag̃ua peteĩ Paraíso pyahúpe ko Yvy ape ári. Ajépa iporãite upéva?