Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 85

Jesús onase umi mymba ojeguerekohápe

Jesús onase umi mymba ojeguerekohápe

NDÉPA reikuaa mávapa ko mitã? Haʼe Jesús. Onaseramoite umi mymba ojeguerekohápe. María omoñenohína Jesúspe peteĩ pesévrepe, kóvape oñemoĩ tembiʼu vúrro ha ambue mymbakuérape g̃uarã. Péro, mbaʼére piko María ha José oĩ koʼápe mymbakuéra ndive? Kóva ndahaʼéi lugár onase hag̃ua peteĩ mitã, ajépa?

Nahániri, ndahaʼéi. Péro haʼekuéra oĩ koʼápe pórke pe ogovernáva Roma, César Augusto, ojapo peteĩ léi heʼíva enterove oho jey vaʼerãha pe siuda onasehaguépe ha omoĩ héra peteĩ lívrope. José onasevaʼekue Belénpe. Péro og̃uahẽvo María ndive koʼápe, ndotopái hikuái peteĩ koty opyta hag̃ua. Upévare ou hikuái koʼã mymbakuéra oĩhápe. Ko araitépe voi María oguereko Jesúspe! Péro, rehechaháicha pe mitã oĩ porã.

Rehechápa umi pastór oúva ohecha Jesúspe? Haʼekuéra oĩkuri ñúme pyharekue, ha peteĩ lús ohesape sapyʼa pe haʼekuéra oĩhápe. Peteĩ ánhel raʼe! Umi pastór tuichaiterei oñemondýi. Péro pe ánhel heʼi chupekuéra: ‘Ani pekyhyje! Aguereko notísia porã peẽme g̃uarã. Ko árape, Belénpe, onase Cristo el Señor. Haʼe osalváta ko puévlope! Petopáta hese oñeñuã aópe ha oñenohína peteĩ pesévrepe’. Upeichaháguinte, ou hetaiterei ánhel ha oñepyrũ oalava Ñandejárape. Upémaramo koʼã pastór pyaʼeterei oho oheka Jesúspe, ha otopáma hese koʼág̃a.

Ndépa reikuaa mbaʼérepa Jesús ndaijojahái? Reikuaa piko mávapa haʼe añetehápe? Nemanduʼápa, pe primera istória ko lívrope oĩvape ñañeʼẽhague Ñandejára Raʼy ypykuégui. Haʼe ombaʼapovaʼekue Jehová ndive ojapo hag̃ua yvága ha Yvy ha opa mbaʼe. Kóva haʼe Jesús!

Añetehápe, Jehová oguerova Itaʼýra rekove yvágagui María retepýpe. Upe riremínte, María retepýpe oñepyrũ okakuaa peteĩ mitã, umi ótro mitã okakuaaháicha isy ryepýpe. Péro ko mitã haʼe Ñandejára Raʼy. Ipahápe Jesús onase Belénpe, umi mymba ojeguerekohápe. Rehechakuaápa koʼág̃a mbaʼérepa ovyʼaiterakaʼe umi ánhel heʼírõ guare umi héntepe onasehague Jesús?