Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 86

Peteĩ estrélla ogia kuimbaʼekuérape

Peteĩ estrélla ogia kuimbaʼekuérape

REHECHÁPA pe estrélla omimbíva ohechaukáva pe kuimbaʼe? Haʼekuéra osẽrõ guare Jerusaléngui, ojehecha sapyʼa pe estrélla. Koʼã kuimbaʼe ou Oriéntegui, ha ostudia hikuái umi estrélla. Haʼekuéra oimoʼã ko estrélla pyahu oguerahataha chupekuéra peteĩ persóna iñimportántevape.

Umi kuimbaʼekuéra og̃uahẽrõ guare Jerusalénpe, oporandu: ‘Moõ piko oime pe mitã haʼétava hudiokuéra rréi?’. Umi isrraelítape oñehenói avei “Hudío”. ‘Rohecha ypy ijestrélla amoite Oriéntepe’, heʼi umi kuimbaʼe, ‘ha roju roadora hag̃ua chupe’.

Kóva oikuaávo Herodes, Jerusalengua rréi, ojepyʼapy. Haʼe ndoipotái ojupi hendaguépe ótro rréi. Upévare oporandu umi saserdóte prinsipálpe: ‘Moõpa onaséta pe rréi oñeprometevaʼekue?’. Haʼekuéra okontesta: ‘La Biblia heʼi onasetaha Belénpe’.

Upémaramo Herodes heʼi umi kuimbaʼekuéra Orienteyguápe: ‘Peheka pe mitã. Ha petopa vove, peikuaauka chéve. Che ahase avei aadora chupe’. Péro Herodes ojukase pe mitãme!

Upe rire pe estrélla oho umi kuimbaʼekuéra renonderã Belén peve, ha opyta pe mitã oĩha ári. Umi kuimbaʼekuéra oikévo pe ógape, otopa María ha pe mitãme. Omeʼẽ hikuái heta rregálo Jesúspe. Péro upe rire Jehová heʼi chupekuéra iképe anive hag̃ua oho jey Herodes rendápe. Upévare oho hikuái hetãme ótro tape rupi.

Oikuaávo Herodes umi kuimbaʼekuéra ohomahague, ipochyeterei. Upévare ojukauka umi mitãkuimbaʼe oĩva Belénpe oguerekóva dos áño peve ha umi imitãvéva avei. Péro upe mboyve Jehová oavisa Josépe iképe, ha José oho ifamília reheve Egíptope. Upe rire, José oikuaávo Herodes omanomahague, ojagarra María ha Jesús ha ojevy Nazarétpe. Koʼápe Jesús okakuaa.

Mávapa vaicha ndéve omomimbirakaʼe pe estrélla pyahu? Nemanduʼáne, umi kuimbaʼekuéra ohohague Jerusalénpe raẽ ohechárõ guare pe estrélla. Satanás el Diablo ojukase Ñandejára Raʼýpe, ha oikuaa pe rréi Herodes oĩva Jerusalénpe oñehaʼãtaha ojuka chupe. Upévare oimenerakaʼe Satanás omomimbi pe estrélla.

Mateo 2:1-23; Miqueas 5:2.