Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 79

Daniel leonkuéra apytépe

Daniel leonkuéra apytépe

HÁKE! Amalisia Daniel oĩ jejopy vaípe. Péro umi león ndojapói hese mbaʼeve! Reikuaa piko mbaʼérepa? Mávapa omoinge Daniélpe umi león apytépe? Jahechami.

Koʼág̃a Babiloniaygua rréi haʼe peteĩ kuimbaʼe hérava Darío. Haʼe ohayhu Daniélpe ivuéno ha iñarandúgui, ha ojapo chugui mburuvicha guasu irréinope. Upévare, ótro kuimbaʼekuéra oenvidia Daniélpe, ha ojapo hikuái ko mbaʼe:

Oho rréi Darío rendápe ha heʼi: ‘Enterove roipota rejapo peteĩ léi heʼíva 30 día aja avave noñemboʼeivaʼerãha mbaʼeveichagua diós térã kuimbaʼépe, ndahaʼéiramo ndéve. Oĩramo naiñeʼẽrendúiva, ojeityvaʼerã leonkuéra apytépe’. Darío ndoikuaái mbaʼérepa koʼã kuimbaʼekuéra oipota ko léi. Péro oimoʼã iporãtaha, ha oskriviuka ko léi. Koʼág̃a pe léi ndaikatuvéima oñekambia.

Ohendúvo Daniel upéva, oho hógape ha oñemboʼe jepiveguáicha. Umi kuimbaʼe aña oikuaa Daniel osegitaha oñemboʼe Jehovápe. Ovyʼa hikuái, pórke haʼetévaicha chupekuéra opytuʼútamava Daniélgui.

Ohechakuaávo rréi Darío pe oikóva, ombyasy. Péro ndaikatuvéima okambia pe léi, ha heʼi ojepoi hag̃ua Daniélpe umi leonkuéra apytépe. Péro pe rréi heʼi Daniélpe: ‘Ahaʼarõ pe Ñandejára nde reservíva tandesalva’.

Darío ojepyʼapyeterei ha ndaikatúi oke upe pyharépe. Koʼẽ rire, odispara oho umi león oĩhápe, pe yvykuápe. Ko taʼangápe ikatu rehecha chupe. Haʼe osapukái: ‘Daniel, Ñandejára oikovéva rembiguái! Ndesalváparaʼe umi leóngui pe Ñandejára nde reservíva?’.

‘Ñandejára ombou hiʼánhel’, okontesta Daniel, ‘ha omboty umi leonkuéra juru ani hag̃ua ojapo cherehe mbaʼeve’.

Pe rréi ovyʼaiterei. Oguenohẽuka Daniélpe pe yvykuágui. Upémaramo opoiuka leonkuéra apytépe umi kuimbaʼe aña ojukasevaʼekue Daniélpe. Ohupyty mboyve pe yvykua rugua koʼã kuimbaʼe aña, umi leonkuéra ojagarra ha omopẽmba chupekuéra.

Upémaramo rréi Darío oskrivi enterove oĩvape irréinope: ‘Enterovéke pemombaʼeguasu pe Ñandejára oadoráva Daniel. Haʼe ojapo umi milágro tuichaitereíva. Haʼe osalva Daniélpe ani hag̃ua hoʼu chupe umi león’.

Daniel 6:1-28.