Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 64

Salomón omopuʼã pe témplo

Salomón omopuʼã pe témplo

OMANO mboyve David, omeʼẽ Salomónpe umi pláno Ñandejára omeʼẽvaʼekue ojejapo hag̃ua chupe peteĩ témplo. Pe cuarto áño ogovernápe, Salomón oñepyrũ ojapo pe témplo, ha ogueraha chupe siete áño ha seis mése ojapopa hag̃ua. Heta miles kuimbaʼekuéra ombaʼapo pe témplore. Ha hetaiterei pláta oñekotevẽ, ojeporúgui heta óro ha pláta ojejapo hag̃ua.

Ko témplo oguereko mokõi koty prinsipál, pe tavernákulo oguerekohaguéicha. Péro koʼãva dóvle tuichave umívagui. Salomón omoĩuka pe árka pákto rehegua pe koty hugua peve oĩvape, ha umi ótra kósa oguerekovaʼekue pe tavernákulo oñemoĩ pe ótro kotýpe.

Ojejapopávo pe témplo, oiko peteĩ vyʼaguasu. Salomón oñesũ pe témplo renondépe ha oñemboʼe, rehechaháicha ko taʼángape. ‘Yvága tuichakuépe jepe nandejapái’, heʼi Salomón Jehovápe, ‘upéicharõ, mbaʼéicha piko ndejáta ko témplope? Péro, Ñandejára, ehendumíntena nde puévlope oñemboʼe vove koʼágotyo’.

Oñemboʼepávo Salomón, oguejy tata yvágagui, ha ohapy umi animalkuéra ojesakrifikavaʼekue. Ha peteĩ lús oúva Jehovágui henyhẽ pe témplope. Upéva ohechauka Jehová ohenduha, ha oguerohoryha pe témplo ha pe ñemboʼe ojapóva Salomón. Koʼág̃a pe témplo ojeporu oñemeʼẽ hag̃ua adorasión pe tavernákulo rekovia.

Heta tiémpo Salomón ogoverna arandúpe, ha umi hénte ovyʼajoa. Péro Salomón omenda heta kuña ótro tetãyguáre ndoadoráiva Jehovápe. Rehechápa peteĩme omeʼẽrõhína adorasión pe taʼanga renondépe? Ipahápe, hembirekokuéra oadorauka Salomónpe umi ñandejára guaʼu. Ndépa reikuaa mbaʼépa ojehu koʼág̃a? Salomón oñepyrũ iñaña, ha pe puévlo ndovyʼavéi.

Upévare Jehová ipochy Salomón ndive, ha heʼi chupe: ‘Aipeʼáta ndehegui ne rréino ha ameʼẽta ótrope. Ndajapomoʼãi upéva nde reikove aja, síno nde raʼy ogoverna jave. Péro ndaipeʼapamoʼãi nde raʼýgui enterove hénte oĩva ko rréinope’. Jahechami mbaʼéichapa oikóraʼe koʼã mbaʼe.

1 Crónicas 28:9-21; 29:1-9; 1 Reyes 5:1-18; 2 Crónicas 6:12-42; 7:1-5; 1 Reyes 11:9-13.