Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 65

Pe rréino oñembojaʼo

Pe rréino oñembojaʼo

REIKUAÁPA nde mbaʼérepa ko kuimbaʼe omondorohína ijao? Jehová heʼi chupe ojapo hag̃ua upéva. Ko kuimbaʼe héra Ahíya, Ñandejára proféta. Reikuaa piko nde mbaʼépa peteĩ proféta? Peteĩ proféta haʼe pe oikuaáva mbaʼépa oikóta, oikuaaukágui chupe Ñandejára.

Koʼápe Ahíya oñeʼẽhína Jeroboán ndive. Jeroboán haʼe peteĩ kuimbaʼe Salomón omoĩvaʼekue odirihi hag̃ua heta konstruksión ojapoukáva. Ojotopávo tapépe Jeroboán ndive, Ahíya ojapo peteĩ mbaʼe iñeystráñova. Oipeʼa ijao pyahu ha omondoro 12 hendápe. Heʼi Jeroboánpe: ‘Ejagarra 10 pehẽngue nembaʼerã’. Reikuaápa nde mbaʼérepa omeʼẽ 10 pehẽngue Jeroboánpe?

Ahíya omombeʼu Jehová oipeʼataha pe rréino Salomóngui. Heʼi Ñandejára omeʼẽtaha 10 trívu Jeroboánpe. Kóva heʼise opytataha mokõi trívunte ogoverna hag̃ua Rehoboam, Salomón raʼy.

Oikuaávo Salomón mbaʼépa Ahíya heʼi Jeroboánpe, ipochyeterei. Upévare ojukase Jeroboánpe, péro haʼe okañy ha oho Egíptope. Upe rire, Salomón omano. Salomón orreina 40 áño aja, ha koʼág̃a itaʼýra Rehoboámgui oiko rréi. Egíptope oĩ aja Jeroboán ohendu Salomón omanomahague, ha upévare ou jey Israélpe.

Rehoboam ndahaʼéi peteĩ rréi ivuénova. Ipyʼahatãve itúva Salomóngui umi hénte ndive. Jeroboán ha umi kuimbaʼe iñimportánteva oho Rehoboam rendápe ha ojerure chupe oguereko porãve hag̃ua umi héntepe. Péro haʼe nohenduséi. Upéva rangue haʼe oñembopyʼahatãve. Upévare umi hénte omoĩ Jeroboánpe ogoverna hag̃ua 10 trívu, péro mokõi trívu, Benjamín ha Judá, oguereko gueteri Rehoboámpe rréiramo.

Jeroboán ndoipotái pe puévlo oho Jerusalénpe oadora hag̃ua Jehovápe itémplope. Upévare ojapo mokõi vakaraʼy oroguigua ha omeʼẽ umi 10 trívupe oadora hag̃ua. Ha pyaʼe pe tetã henyhẽ tembiapo vai ha violénsiagui.

Avei umi mokõi trívu heta iprovléma. Ohasa mboyve cinco áño Rehoboámgui oikohague rréi, pe rréi Egiptopegua ou oñorairõ Jerusalén ndive. Ogueraha heta tesóro Jehová témplogui. Ha upévare pe témplo ndopytaʼaréi pe ojejapo ypy haguéicha.

1 Reyes 11:26-43; 12:1-33; 14:21-31.