Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 67

Jehosafat ojerovia Jehováre

Jehosafat ojerovia Jehováre

REIKUAÁPA nde mávapa koʼã kuimbaʼe ha mbaʼépa ojapohína? Oho hikuái oñorairõ, ha umi kuimbaʼe oĩva umi soldádo renondépe opurahéi ohóvo. Ikatu reñeporandu: ‘Mbaʼérepa umi opurahéiva ndoguerekói espáda ha lánsa oñorairõ hag̃ua?’. Jahechami mbaʼérepa.

Jehosafat haʼe rréi pe rréino oguerekóvape umi mokõi trívu oĩva Israélpe. Upe tiémpope oiko avei rréi Acab ha Jezabel, pe rréino 10 trívu oguerekóvape. Péro Jehosafat haʼe peteĩ rréi ivuénova, ha itúva Asá ivuenovaʼekue avei. Upévare umi hénte mokõi trivupegua heta áño oiko porã.

Péro koʼág̃a oiko peteĩ mbaʼe omongyhyjéva umi héntepe. Oĩ oúva heʼi Jehosafátpe: ‘Ou oñorairõ hag̃ua nendive peteĩ ehérsito tuicháva, umi tetã Moab, Amón ha mónte Seírgui’. Heta isrraelíta oñembyaty Jerusalénpe ojerure hag̃ua Jehovápe oipytyvõ hag̃ua chupekuéra. Oho hikuái pe témplope, ha upépe Jehosafat oñemboʼe: ‘Ñandejára Jehová, ndoroikuaáiningo mbaʼépa rojapóta. Ndaikatumoʼãi orepuʼaka ko ehérsito tuichaitévare. Rojerure ndéve orepytyvõmi hag̃ua’.

Jehová ohendu, ha omondo peteĩ isiérvo heʼi hag̃ua pe ipuévlope: ‘Ko ñorairõ ndahaʼéi penembaʼe, síno Ñandejára mbaʼe. Peẽ napeñorairõmoʼãi. Pemañánte, ha pehecha mbaʼéichapa Jehová pendesalva’.

Upe koʼẽme Jehosafat heʼi ipuévlope: ‘Pejerovia Jehováre!’. Upéi omoĩ umi kuimbaʼe opurahéiva isoldadokuéra renonderã, ha ohokuévo opurahéi hikuái alavánsa Jehovápe. Ndépa reikuaa mbaʼépa oiko oñemoag̃uívo hikuái oñorairõ hag̃ua? Jehová omoñorairõmba oñondive iñenemigokuérape. Ha og̃uahẽvo umi isrraelíta, omanombaitéma hikuái!

Ajépa iñarandu Jehosafat ojeroviávo Jehováre? Jajapóramo upéicha, ñande avei ñanearandúta.

1 Reyes 22:41-53; 2 Crónicas 20:1-30.