Saúl haʼe pe primer rréi oguerekóva Israel. Péro Jehová orrechasa chupe, ha oiporavo hekovia Davídpe oiko hag̃ua chugui rréi. Ñaaprende heta mbaʼe Davídgui. Imitãrusúpe oñorairõ pe higánte Goliat ndive. Upe rire okañy pe rréi Saúl envidiósogui. Upéi pe Abigail porãite ojoko chupe ani hag̃ua ojapo vyrorei.

Jaikuaa avei heta mbaʼe David raʼy Salomóngui, opytavaʼekue rréiramo David rekovia Israélpe. Umi mbohapy rréi Israel oguerekovaʼekue ñepyrũrã ogoverna káda uno 40 áño aja. Salomón omano rire, Israel oñembojaʼo ha oiko chugui mokõi rréino, peteĩ opyta nórtepe ha pe ótro súrpe.

Pe rréino oguerekóva 10 trívu oĩva nórtepe hiʼare 257 áño ohundi mboyve chupe umi asiriokuéra. Upéi, 133 áño ohasa rire, pe rréino oguerekóva mokõi trívu oĩva súrpe oñehundi avei. Koʼág̃a umi isrraelíta ojegueraha Babilóniape. Upéicharõ ko Párte CUATRO omombeʼu umi mbaʼe oikóva 510 áñope, ha upe aja oiko heta mbaʼe guasu, koʼág̃a jahechataháicha.