Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 36

Peteĩ vakaraʼy oroguigua

Peteĩ vakaraʼy oroguigua

ÁINA, anína! Mbaʼe piko ojapohína umi hénte koʼág̃a? Oñemboʼehína peteĩ vakaraʼýpe! Mbaʼére piko ojapo hikuái upéva?

Hiʼarévo Moisés pe montáñape, pe puévlo heʼi: ‘Ndajaikuaái mbaʼépa ojehu Moiséspe. Jajapo peteĩ diós ñanerenohẽ hag̃ua koʼágui’.

‘Oĩ porã’, heʼi Aarón, Moisés ermáno. ‘Peipeʼa pene namichãi de óro, ha peguerupa chéve.’ Ha pe puévlo ojapo rire upéva, Aarón omboyku pe óro ha ojapo chugui peteĩ vakaraʼy. Ha pe puévlo heʼi: ‘Kóva haʼe Ñandejára, ñanerenohẽvaʼekue Egíptogui!’. Upéi ojapo hikuái peteĩ vyʼa guasu, ha oadora pe vakaraʼy oroguigua.

Ohechávo Jehová upéva, ipochyeterei. Ha heʼi Moiséspe: ‘Pyaʼéke eguejy. Pe puévlo hembiapo vaietereihína. Omboyke hikuái umi léi ameʼẽvaʼekue chupekuéra ha ojayvy peteĩ vakaraʼy oroguigua renondépe’.

Moisés oguejy pyaʼe pe montáñagui. Ha oñemoag̃uívo, ohecha koʼã mbaʼe. Umi hénte opurahéi ha ojerokyjoa pe vakaraʼy jerére! Moisés ipochyeterei ha omombo umi mokõi ita ipéva, oguerekóva Ñandejára léi, ha koʼãva ojekapaite. Upéi ojagarra pe vakaraʼy ha omboyku. Ha upéi omonguʼipaite.

Umi hénte ojapo peteĩ mbaʼe ivaietereíva. Upévare Moisés heʼi umi kuimbaʼépe ojagarra hag̃ua ijespáda. ‘Umi hénte aña oadoravaʼekue pe vakaraʼy omanovaʼerã’, heʼi. Upévare umi kuimbaʼe ojuka 3.000-pe! Ndohechaukáipa upéva ñañatendevaʼerãha jaadora hag̃ua Jehovápe añoite ha ani umi ñandejára guaʼúpe?

Éxodo 32:1-35.