Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 44

Rahab omokañy umi espiakuérape

Rahab omokañy umi espiakuérape

KOʼÃ kuimbaʼe oguereko peteĩ provléma. Okañyvaʼerã hikuái, ani hag̃ua ojejuka. Koʼãva haʼe espía isrraelíta, ha pe kuña oipytyvõva chupekuéra héra Rahab. Rahab róga oĩ pe táva Jericó murálla ári. Jahechami mbaʼérepa iprovléma koʼã kuimbaʼe.

Umi isrraelíta ohasapotaite rrío Jordán oike hag̃ua Canaánpe. Péro oike mboyve hikuái, Josué omondo mokõi espía. Heʼi chupekuéra: ‘Pehechami pe yvy ha pe táva Jericó’.

Oikévo umi espía Jericópe, oho hikuái Rahab rógape. Péro oĩ heʼíva pe rréi Jericopeguápe: ‘Ange pyhare oúkuri mokõi isrraelíta omaña ñemi hag̃ua ñande yvýre’. Ohendúvo upéva, pe rréi omondo Rahab rendápe kuimbaʼekuéra heʼíva chupe: ‘Eguenohẽ umi kuimbaʼe reguerekóva nde rógape!’. Péro Rahab omokañýma umi kuimbaʼépe hóga ári. Upévare heʼi: ‘Oúkuri hikuái che rógape, péro ndaikuaái moõguápa. Oho hikuái pytũmby jave, oñemboty mboyve táva rokẽ. Pemuñáramo, pehupytýne katuete!’. Ha umi kuimbaʼe osẽ odispara oheka chupekuéra.

Oho rire hikuái, Rahab ojupi pyaʼe pe óga ári. ‘Che aikuaa Jehová omeʼẽtaha peẽme ko yvy’, heʼi umi espíape. ‘Rohendu haʼe ombohypahague már Rojo pesẽrõ guare Egíptogui, ha pejukahague umi rréi Sehón ha Ógpe. Ha chevuenahaguére penendive, peprometékena chéve penevuenotaha avei chendive. Pesalvamíkena che ru ha che sýpe, ha che ermáno ha ermanakuérape’.

Umi espía opromete ojapotaha upéicha, péro Rahab ojapovaʼerã peteĩ mbaʼe. ‘Kóina ko pióla pytã eñapytĩ nde róga ventánare’, heʼi umi espía, ‘ha embyaty nde rógape entérove ne hentekuéra. Ha roju jeývo rojagarra hag̃ua Jericó, ha rohechávo ko pióla, ndorojukamoʼãi avavépe nde rogápe’. Oho jeývo Josué rendápe umi espía, omombeʼupaite chupe pe oikovaʼekue.

Josué 2:1-24; Hebreos 11:31.