Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 27

Peteĩ rréi iñañáva ogoverna Egíptope

Peteĩ rréi iñañáva ogoverna Egíptope

KOʼÃ kuimbaʼe rehecháva ko taʼangápe omombaʼapo umi héntepe mbaretépe. Emaʼẽmi mbaʼéichapa pe kuimbaʼe ombyepoti tukumbópe pe ombaʼapóvape! Umi ombaʼapóva haʼe Jacob familiakuéra, ha oñehenói chupekuéra isrraelíta. Ha umi ehípsio omombaʼapo chupekuéra mbaretépe. Umi isrraelítagui ojapo hikuái esklávo. Mbaʼéichapa oikorakaʼe upéva?

Jacob família guasu are oiko porã vaʼekue Egíptope. Upépe José, pe iñimportantevéva Faraón rire, oñangarekovaʼekue hesekuéra. Péro upe rire José omano. Ha peteĩ Faraón pyahu, ndohayhúiva isrraelitakuérape, haʼe koʼág̃a rréi Egíptope.

Upéicha pe Faraón iñañáva ojapo umi isrraelítagui esklávo. Ha omoĩ chupekuéra umi kuimbaʼe iñaña ha ipyʼahatãva poguýpe. Koʼãva mbaretépe ojapouka isrraelitakuérape heta siuda Faraónpe g̃uarã. Upéicharõ jepe umi isrraelíta oñembohetave. Upévagui umi ehípsio okyhyje hetavérõ g̃uarã umi isrraelíta ha ndaipuʼakavéi hesekuéra.

Ndépa reikuaa mbaʼépa ojapo pe Faraón? Oñeʼẽ umi kuña oipytyvõvape umi isrraelítape imemby jave, ha heʼi chupekuéra: ‘Pejukapavaʼerã umi mitãʼi onasévape guive’. Péro umi kuña ivuéna, ha ndojukái umi mitãʼípe.

Upévare pe Faraón heʼi ipuévlope: ‘Pejukavaʼẽra enterove mitãkuimbaʼe isrraelítape. Péro pehejavaʼerã oikove umi mitãkuñaʼi’. Ajépa ivaiete pe ojapoukáva? Koʼág̃a jaikuaáta mbaʼéichapa ojesalvarakaʼe peteĩ mitãʼípe.

Éxodo 1:6-22.