Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Che lívro omombeʼúva istória oĩva Ñandejára Ñeʼẽme

 ISTÓRIA 31

Moisés ha Aarón oho Faraón rendápe

Moisés ha Aarón oho Faraón rendápe

MOISÉS oho jeýrõ guare Egíptope, omombeʼu iñermáno Aarónpe umi milágro ohechavaʼekue. Upe rire, Moisés ha Aarón ohechaukávo umi milágro isrraelitakuérape enterove oguerovia Jehová oĩha hendivekuéra.

Upéi Moisés ha Aarón oho Faraón rendápe ha heʼi hikuái chupe: ‘Jehová, pe Israel Dios, heʼi: “Eheja che puévlope toho tres día, omeʼẽ hag̃ua chéve adorasión amo desiértope”’. Péro Faraón heʼi: ‘Che ndaikuaái Jehovápe. Ha ndahejamoʼãi oho Israel’.

Faraón ipochy, pórke pe puévlo oipeʼase tiémpo hembiapógui oadora hag̃ua Jehovápe. Upévare, mbaretépe omombaʼapo hetave chupekuéra. Umi isrraelíta okulpa Moiséspe ojeguereko asy haguére chupekuéra, ha Moisés ombyasy upéva. Péro Jehová heʼi chupe ani hag̃ua ojepyʼapy. ‘Ajopýta Faraón ndive opoi peve che puévlogui’, heʼi.

Moisés ha Aarón oho jey Faraón rendápe. Koʼág̃a katu ojapo hikuái peteĩ milágro. Aarón oity yvýpe pe yvyra oguerekóva ipópe, ha oiko chugui peteĩ mbói guasu. Péro umi karai arandu oguerekóva Faraón oity avei umi yvyra oguerekóva ipópe, ha oiko chuguikuéra mbói. Péro rehechápa pe oikovahína! Pe mbói ojapovaʼekue Aarón hoʼuhína umi mbói ojapovaʼekue umi karai arandu. Upéicharõ jepe Faraón ndohejaséi gueteri oho umi isrraelítape.

Upévare og̃uahẽ pe tiémpo Jehová ohechauka hag̃ua Faraónpe mávapa Haʼe. Reikuaápa nde mbaʼéichapa ojapo upéva? Ombou Egíptope 10 plága, térã umi mbaʼe vai tuichaitereíva.

Heta plága ou rire, Faraón ohenói jepi Moiséspe ha heʼi chupe: ‘Ejoko pe plága ha ahejáta oho Israélpe’. Péro pe plága ohasa rire, haʼe okambia jey ha ndohejái chupekuéra oho. Péro ipahápe, pe décima plága ou rire heʼi chupekuéra oho hag̃ua.

Ndépa reikuaa mbaʼépa rakaʼe umi 10 plága? Ehasa pe ótra páhinape ha jahecháta mbaʼépa.

Éxodo 4:27-31; 5:1-23; 6:1-13, 26-30; 7:1-13.