Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ikatu revyʼa ne famíliandi

 SEKSIÓN 9

Emombaʼeguasu Jehovápe nde rogayguándi

Emombaʼeguasu Jehovápe nde rogayguándi

“Pemombaʼeguasúke Ñandejárape, upe ojapo vaʼekue yvága [ha] yvy.” (Apocalipsis 14:7)

Rehechaháicha ko follétope, la Bíbliape oĩ heta konsého nepytyvõtava ndéve ha ne famíliape. Jehová ningo oipota peiko vyʼápe. Haʼe opromete avei pemotenondéramo chupe omeʼẽtaha peẽme opa mbaʼe peikotevẽva (Mateo 6:33). Ñandejára ningo oikose ne amígoramo. Upévare, eaprovechákena opa oportunida reñemoag̃ui hag̃ua hese ha péicha reiko hag̃ua iñamígoramo. Ndaipóri ningo ótra kósa iñimportantevéva upévagui (Mateo 22:37, 38).

 1. KÁDA DÍA REÑEMOAG̃UIVE VAʼERÃ JEHOVÁRE

MBAʼÉPA HEʼI LA BIBLIA: “‘Che haʼéta pende Ru, ha peẽ haʼéta che raʼy ha che rajykuéra’, heʼi Jehová” (2 Corintios 6:18). Ñandejára ningo oikose ne amigoitéramo, ha reñemboʼéramo chupe reñemoag̃uivéta hese. Jehová heʼi voi ñandéve: “Peñemboʼe jey jeýkena” (1 Tesalonicenses 5:17). Haʼe oipota remombeʼupaite chupe umi mbaʼe ndepyʼapýva ha opa mbaʼe erekóva ne korasõme (Filipenses 4:6). Rejepokuaáramo reñemboʼe ne famíliandi, haʼekuéra ohechakuaáta Ñandejára ne amigoiteha.

Péro ndahaʼéi vaʼerã reñemboʼénteva Ñandejárape, síno rehendu vaʼerã avei chupe. ¿Mbaʼéichapa ikatu rejapo upéva? Restudia vaʼerã Iñeʼẽ ha umi puvlikasión oñeʼẽva la Biblia omboʼévare (Salmo 1:1, 2). Ejepyʼamongeta umi mbaʼe reaprendévare (Salmo 77:11, 12). Ha ani refalta rreunionhápe, upéva ningo iñimportanteterei (Salmo 122:1-4).

Katuete rejerovia mbaretevéta avei Jehováre reñeʼẽ meméramo hese nde rapichakuérape. Amáske rejapo upéva, reñemoag̃uivéta hese (Mateo 28:19, 20).

EJAPOMÍNA KO MBAʼE:

  • Eñemotiémpo reñemboʼe ha relee hag̃ua la Biblia káda día

  • Eipytyvõ ne famíliape omotenonde hag̃ua Ñandejárape ha ani umi vyʼarã

2. VYʼÁPE PEJAPO VAʼERÃ PENDE ESTÚDIO DE FAMÍLIA

MBAʼÉPA HEʼI LA BIBLIA: “Peñemoag̃uíkena Ñandejárare, ha haʼe oñemoag̃uíta penderehe” (Santiago 4:8). Emoĩ vaʼerã peteĩ día ha óra pejapo hag̃ua pende estúdio de família (Génesis 18:19). Péro ndahaʼéi upéva añónte, káda día nemanduʼa vaʼerã Ñandejárare opa mbaʼe rejapóvape ha eipytyvõ ne famíliape ojerovia mbareteve hag̃ua hese. La Biblia heʼi voi: “Nemanduʼa [Jehováre] manterei chupekuéra, nde rógape, tapére, reñenonguévo ha repuʼãnguévo” (Deuteronomio 6:6, 7). Rejedesidi vaʼerã rejapo Josué ojapo haguéicha, haʼe heʼi vaʼekue: “Che ha maymáva che rogaygua romombaʼeguasúta Ñandejárape” (Josué 24:15).

EJAPOMÍNA KO MBAʼE:

  • Ehecha mbaʼépa oikotevẽ káda uno umi nde rogaygua oñemoag̃uive hag̃ua Ñandejárare ha eipytyvõ chupekuéra