Ehecha oĩva pype

Ehecha menú secundario

Testígo de Jehová

guarani

¿Mbaʼéichapa ikatu revyʼa ne famíliandi?

¿Mbaʼéichapa ikatu revyʼa ne famíliandi?

¿Ndépa ere nepytyvõtaha...

  • pejoayhuvéramo?

  • pendeplátaramo?

  • térã ótra kósa?

 MBAʼÉPA HEʼI LA BIBLIA

“Ovyʼa [...] umi ohendúva Ñandejára Ñeʼẽ ha ojapóva.” (Lucas 11:28, Ñandejára Ñeʼẽ Traducción del Nuevo Mundo.)

MBAʼÉICHAPA UPÉVA NEPYTYVÕ

Pejapóramo la Biblia heʼíva, ikatúta:

Pejoayhuve (Efesios 5:28, 29).

Pejorrespetave (Efesios 5:33).

Pejeroviave ojuehe (Marcos 10:6-9).

 ¿IKATÚPA JAGUEROVIA LA BIBLIA HEʼÍVA?

Si, koʼã mokõi mbaʼére:

  • Ñandejára omoñepyrũ vaʼekue pe família. La Biblia heʼi Jehová ‘rupive oĩha opaite família’ (Efesios 3:14, 15). Upéva heʼise umi família oĩha Ñandejára oipota rupi. ¿Mbaʼérepa upéva iñimportánte?

    Epensamína ko mbaʼére: Ñamoĩ chupe nde reʼuha peteĩ tembiʼu hetereíva ha reikuaase mbaʼéichapa ojeprepara, ¿mávapepa reporandúta? Katuete reporandúta pe oprepara vaʼekuépe, ¿ajépa?

    Upeichaite avei reikuaaséramo mbaʼépa rejapo vaʼerã revyʼa hag̃ua nde rogapýpe, rehecha vaʼerã mbaʼépa heʼi Jehová, pe família Apohare (Génesis 2:18-24).

  • Ñandejára ojepyʼapy nderehe. Umi família ojapo porã osegívo Jehová konsého oĩva la Bíbliape. ¿Mbaʼérepa? “Haʼe ojepyʼapýgui” ñanderehe (1 Pedro 5:6, 7). Ñandejára oipotaiterei umi família osẽ porã ha ikonsého katuete ñanepytyvõ ñasolusiona hag̃ua umi provléma (Proverbios 3:5, 6; Isaías 48:17, 18).

 MBAʼÉPA NDE REPENSA

¿Mbaʼépa ikatu ojapo ména, tembireko ha tuvakuéra osẽ porã hag̃ua?

La Biblia ombohovái ko porandu EFESIOS 5:1, 2 ha COLOSENSES 3:18-21-pe.