Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Emboʼékena ne famíliape

 LEKSIÓN 7

¿Ndépa reñeñandu jepi neaño ha rekyhyje?

¿Ndépa reñeñandu jepi neaño ha rekyhyje?

Emañami pe mitãʼi oĩvare ko divúhope. Haʼete oĩva haʼeñomi ha okyhyjéva, ¿ajépa? ¿Ndépa reñeñandu jepi avei péicha?... Sapyʼánte enterove ñañeñandu upéicha. La Biblia oñeʼẽ Jehová amigokuérare ha umíva apytépe oĩ avei umi oñeñandu vaʼekue haʼeño ha okyhyje. Peteĩva hína Elías. Jahechami ijistória.

Jezabel ojukase Elíaspe

Elías oiko vaʼekue Israélpe, yma Jesús onase mboyve. Upérõ pe rréi Acab Israelgua ndoadorái Ñandejára tee Jehovápe. Acab ha hembireko Jezabel oadora pe ñandejára guaʼu Baálpe. Upévare hetaiterei hénte Israélpe oadora avei Baálpe. Rréina Jezabel iñañaiterei ha oipota ojejuka entéro umi oadorávape Jehovápe, ijapytépe oĩ Elías. ¿Reikuaápa mbaʼépa ojapo Elías upémarõ?...

Pyaʼeterei odipara oho desiértore ha okañy peteĩ itakuápe. ¿Mbaʼérepa oiméne  ojapo raʼe upéicha?... Si, haʼe okyhyje. Péro Elías ndokyhyjéi vaʼerã kuri. ¿Mbaʼérepa? Jehová ikatu rupi oipytyvõ chupe. Haʼe ohechaukáma kuri Elíaspe ipoderosoha. Peteĩ jey Jehová ombohovái Elías ñemboʼe omboúvo tata yvágagui. Upévare katuete ko vuéltape oipytyvõ jeýta Elíaspe.

¿Mbaʼéichapa Jehová oipytyvõ Elíaspe?

Elías oĩ aja pe itakuápe Jehová oñeʼẽ chupe ha oporandu: “¿Mbaʼépa rejapo hína koʼápe?”. Elías heʼi: “Che añoiténtema la roadoráva. Apyta cheaño peteĩ ha akyhyje ajejukárõ g̃uarã”. Elías oimoʼã entéro umi ótro oadoráva Jehovápe ojejukapáma hague. Péro Jehová heʼi Elíaspe: “No, rejavy hína. Oĩ gueteri siete mil hénte osegíva cheadora. ¡Ndepyʼaguasúkena. Heta gueteri areko ne rembiaporã!”. ¿Mbaʼéichapa oñeñandúne Elías ohendúvo upéva?...

¿Mbaʼépa nemboʼe Elíaspe ojehu vaʼekue?... Núnka nerepensái vaʼerãha reimeha neaño ni rekyhyje upévare. Nde ningo heta neamígo ha haʼekuéra nderayhu ndéve ha Jehovápe. Hiʼarive Jehová ipoderosoiterei ha siémpre nepytyvõta. ¿Mbaʼéichapa reñeñandu reikuaávo upéva?...

ELEE NDE BÍBLIAPE