Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ehendúkena Ñandejárape ha reikovéta opa árare

 PÁRTE 8

Mbaʼépa rehupytýta Jesús omano rupi?

Mbaʼépa rehupytýta Jesús omano rupi?

Jesús omano rupi ikatu jaikove opa ára g̃uarã Juan 3:16.

Mbohapy ára Jesús omano rire, umi kuñanguéra oho haʼe oñeñotỹ haguépe ha ndojuhúi hetekue. Jehová omopuʼã jey Jesúspe omanóva apytégui.

Upéi Jesús ojechauka hemimboʼekuérape.

Oñemoingove jey rire Jesúspe, oiko chugui peteĩ ánhel ipoderósova ha nomanomoʼãvéimava arakaʼeve. Upe rire hemimboʼekuéra ohecha chupe ojupívo yvágape.

 Jehová omoingove jey Jesúspe ha omoĩ chupe oisãmbyhy hag̃ua Irréino Daniel 7:13, 14.

Jesús omano opaga ha oguenohẽ hag̃ua yvyporakuérape pekádo poguýgui (Mateo 20:28). Ñande ikatu jaikove tapia g̃uarã Ñandejára omeʼẽ haguére Itaʼýrape ñande rehehápe.

Jehová omoĩ Jesúspe oisãmbyhy hag̃ua ko yvy. Avei ojeporavo 144.000 yvypóra iñeʼẽrendúva omoirũ hag̃ua chupe. Haʼekuéra oisãmbyhýta tekojojápe yvága guive (Revelación 14:1-3).

Ñandejára Rréino ojapóta ko yvýgui peteĩ hardín neporãva. Upépe ndaiporimoʼãvéima imboriahúva, iñembyahýiva, iñañáva ha oñorairõva. Añetehápe, opavave yvypóra oikóta vyʼápe (Salmo 145:16).