Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ehendúkena Ñandejárape ha reikovéta opa árare

 PÁRTE 3

Mbaʼéichapa ojeikovaʼekue hardín de Edénpe?

Mbaʼéichapa ojeikovaʼekue hardín de Edénpe?

Jehová omeʼẽ hetaiterei mbaʼe porã Adán ha Évape Génesis 1:28.

Jehová ojapo pe kuña ypykue, ombohéra chupe Eva ha omeʼẽ Adánpe hembirekorã (Génesis 2:21, 22).

Jehová ojapo porãiterei vaʼekue Adán ha Évape, haʼekuéra perfékto, ndorekói mbaʼeve ivaíva.

Haʼekuéra oikovaʼekue peteĩ hardín neporãmba jepévape. Ko lugár ijojahaʼỹva heravaʼekue Edén. Upépe oĩvaʼekue ysyry, hetaiterei yvyramáta hiʼa porã porãva ha opaichagua mymba.

Jehová heʼi Adán ha Évape mbaʼépa ojapovaʼerã ha mbaʼépa ndovaléi ojapo. Iñeʼẽrendúramo chupe ikatúta kuri oiko opa árare pe hardínpe.

 Ñandejára heʼi chupekuéra ndovaleiha hoʼu peteĩ yva Génesis 2:16, 17.

Peteĩ ánhel opuʼãvaʼekue Ñandejárare. Péva hína Satanás, pe Aña Ruvicha.

Jehová heʼi Adán ha Évape ndovaleiha hoʼu peteĩ yva. Cháke hoʼúramo, omanóta katuete.

Satanás ndoipotái Adán ha Eva iñeʼẽrendu Jehovápe. Upévare oiporu peteĩ mbói heʼi hag̃ua Évape nomanomoʼãiha hoʼúramo pe yva, oikotaha guei Ñandejáraicha. Péro Satanás tuicha ombotavy chupe (Génesis 3:1-5).