Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ehendúkena Ñandejárape ha reikovéta opa árare

 PÁRTE 5

Mávapa ohendu Ñandejárape pe Dilúvio mboyve?

Mávapa ohendu Ñandejárape pe Dilúvio mboyve?

Noé tiémpope henyhẽvaʼekue umi mbaʼe vai apoha Génesis 6:5.

Adán ha Eva heta ifamília ha henyhẽ ohóvo ko yvy. Upéi oĩvaʼekue heta ánhel omoirũva Satanáspe ha opuʼãva avei Ñandejárare.

Haʼekuéra oguejy ko yvy ápe ári ha oñembohete kuimbaʼéicha omenda hag̃ua umi kuñáre. Upéi umi kuña imemby ha umi mitã iñaña ha imbareteterei, haʼete voi mymba ñarõ mbaʼe.

Ko yvy henyhẽ hembiapo vaívagui. La Biblia heʼi: ‘Yvyporakuéra hekoaña ha opaite mbaʼe heñóiva ipyʼapýpe mbaʼe vai memete’.

 Noé iñeʼẽrendu Ñandejárape ha ojapo peteĩ árka Génesis 6:13, 14, 18, 19, 22.

Noé hekoporãvaʼekue. Jehová heʼi chupe ohundipaitetaha umi iñañávape peteĩ dilúvio rupive.

Ñandejára heʼi avei Noépe ojapo hag̃ua peteĩ várko guasu hérava árka, ha toike pype ifamília reheve. Avei omoingevaʼerã pe árkape opaichagua mymbakuéra.

Noé omomarandu umi héntepe outaha peteĩ Dilúvio, péro haʼekuéra nopenái hese. Oĩ voi umi oñembohorýva ha ndaijaʼéiva hese.

Ojapopa rire pe árka, Noé omoinge hyepýpe umi mymba.