Adán ha Eva naiñeʼẽrendúi Ñandejárape ha omano Génesis 3:6, 23.

Eva ojapo pe mbói heʼíva chupe. Hoʼu pe yva, upéi omeʼẽ Adánpe ha haʼe hoʼu avei.

Ojapo rupi upéva, oiko chuguikuéra pekadór ha Ñandejára omosẽ chupekuéra pe hardíngui.

Upe rire haʼekuéra ha ifamília oñepyrũma oiko asy, ituja ha omano. Adán ha Eva omano rire ndoikói chuguikuéra espíritu, haʼekuéra opaitéma.

 Umi omanóvagui oiko jey yvy reínte Génesis 3:19.

Ñande ningo Adán ha Eva familiare, upévare ñamano avei. Umi omanóva ndaikatuvéima ohecha, ohendu ni ojapo mbaʼevete (Eclesiastés 9:5, 10).

Jehová ndoipotaivaʼekue avave omano. Koʼẽrõitéma haʼe omoingove jeýta umi omanovaʼekuépe. Ha umi iñeʼẽrendúva chupe, oikovéta opa árare.