Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 44

Peteĩ témplo Jehovápe g̃uarã

Peteĩ témplo Jehovápe g̃uarã

Salomón oñepyrũrõ guare ogoverna Israélpe, Jehová heʼi chupe: “Ejerure chéve la reipotáva ha ameʼẽta ndéve”. Ha Salomón heʼi chupe: “Che ningo chemitã ha ndaikuaái gueteri heta mbaʼe. Upévare chepytyvõmína chearandu hag̃ua agoverna porã hag̃ua nde puévlope”. Jehová heʼi chupe: “Ameʼẽta ndéve pe rejeruréva, ha ndahaʼéi upévante, nde haʼéta pe kuimbaʼe iñaranduvéva ko yvy ape ári. Avei nderríkota ha reikove aréta neñeʼẽrendúramo chéve”.

Salomón oñepyrũ omopuʼã pe témplo ha upearã oipuru umi óro, pláta, yvyra ha ita iporãvéva. Hetaiterei kuimbaʼe ha kuña ikatupyrýva oipytyvõ oñemopuʼã hag̃ua pe témplo, ha siete áñope otermina hikuái. Upéi og̃uahẽ pe día odedika hag̃ua hikuái pe témplo Jehovápe, ha oprepara hikuái peteĩ ofrénda pe altár ári. Upéi Salomón oñesũ pe altár renondépe ha oñemboʼe Jehovápe: “Jehová, nde ningo remerese peteĩ témplo tuichavéva ha iporãvéva kóvagui, upéicharõ jepe, ehendumína ore ñemboʼe ha easepta ore adorasión”. ¿Mbaʼépa nde ere? ¿Ogustápa Jehovápe pe témplo ojejapo vaʼekue? ¿Ohendúpa Jehová Salomón orasión? Salomón oñemboʼepa riremínte, ou peteĩ tatarendy yvágagui ha ohapypaite pe ofrénda oĩ vaʼekue pe altár ári. Péicha Jehová ohechauka ogustaha chupe pe témplo ojapo vaʼekue hikuái, ha umi israelita ovyʼaiterei ohechávo upéva.

Salomón iñarandu ha ifamosoiterei vaʼekue. Israélpe ha umi tetã mombyryvehápe jepe ojekuaa vaʼekue chupe. Umi hénte ohómi hendápe osolusiona hag̃ua chupekuéra umi provléma orekóva. Pe rréina de Seba jepe oho vaʼekue oporandu chupe umi mbaʼe ijetuʼuvéva ohecha hag̃ua añetehápepa la Salomón iñaranduete. Ha ohendu rire Salomónpe, haʼe heʼi: “Che ndagueroviái kuri umi mbaʼe ojeʼéva chéve nderehe, péro koʼág̃a ahechakuaa nearanduveha katu pe ojeʼe vaʼekuégui chéve. Ojekuaa Jehová nevendesiha”. Israélpe ningo umi hénte oiko porã ha ovyʼa vaʼekue. Péro upéi tuichaiterei ou okambia la situasión.

“Koʼápe oĩ hína peteĩ tuichavéva Salomóngui” (Mateo 12:42).