Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 50

Jehová odefende Jehosafátpe ikontrariokuéragui

Jehová odefende Jehosafátpe ikontrariokuéragui

Jehosafat haʼe vaʼekue rréi de Judá. Haʼe ohundipaite vaʼekue umi taʼanga ojeadoráva upe paíspe ha avei umi altár ojejapo vaʼekue Baálpe g̃uarã. Haʼe oipota vaʼekue umi hénte oikuaa Jehová leikuéra. Upévare omondo umi prínsipe ha umi levítape omboʼe hag̃ua Jehová léi umi hénte oikóvape Judá tuichakuére.

Umi país oĩva Judá jerére okyhyje vaʼekue oataka hag̃ua Judá pórke oikuaa porã hikuái Jehová oipytyvõha ipuévlope, upévare ogueraha voi hikuái rregálo rréi Jehosafátpe. Péro umi moabita, ammonita ha ótro siuda oĩva Seírpe oho oataka hag̃ua Judá. Jehosafat oikuaa porã oikotevẽtaha Jehová oipytyvõ chupe, upévare ombyaty Jerusalénpe entéro kuimbaʼe, kuña ha mitãme ha oñemboʼe henondepekuéra Jehovápe ha heʼi: “Jehová, nde orepytyvõramo añoite ningo roganáta ko gérra. Eremína oréve por favór mbaʼépa rojapo vaʼerã”.

Jehová ohendu Jehosafat ñemboʼe ha heʼi chupe: “Ani pekyhyje, che poipytyvõta. Pehónte káda uno peñemoĩ pende lugárpe peñorairõ hag̃ua, pepytaiténte upépe ha pehecháta mbaʼéichapa che posalva”. ¿Mbaʼéichapa osalváta chupekuéra Jehová?

Al día sigiénte, Jehosafat oiporavo umi kuimbaʼe opurahéivape ha heʼi chupekuéra oho hag̃ua pe ehérsito renonderã. Haʼekuéra osẽ Jerusaléngui ha oho pe lugár oñorairõtahápe hikuái, opytáva peteĩ lugár héravape Tecoa.

Umi kuimbaʼe vyʼápe opurahéi hatã Jehovápe g̃uarã, ha upe aja Jehová oñorairõ ipuévlo rehehápe. Haʼe okonfundipa umi ammonita ha moabítape ha oñepyrũ haʼekuéra voi oñorairõ oñondive ha ojojukapaite hikuái. Péro Jehová oprotehe Judápe, umi soldádope ha umi saserdótepe. Enterove umi país oĩva Judá jerére ohendu la Jehová ojapo vaʼekue ha ohechakuaa hikuái haʼe osegiha odefende ipuévlope iñenemigokuéragui. ¿Mbaʼéichapa Jehová odefende ipuévlope? Heta hendáicha, ha haʼe noikotevẽi voi yvypórare ojapo hag̃ua upéva.

“Peẽ natekotevẽmoʼãi peñorairõ ko gérrape. Peñemoĩnte pende lugárpe ha pepytaite upépe, ha pehecháta mbaʼéichapa Jehová pendesalva” (2 Crónicas 20:17).