Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 33

Rut ha Noemí

Rut ha Noemí

Peteĩ tiémpo ou vaʼekue peteĩ ñembyahýi guasu Israélpe, upévare peteĩ kuñakarai israelita hérava Noemí oho iména ha mokõi imembykuimbaʼéndi oiko Moábpe. Upe rire Noemí ména ou omano. Imembykuéra katu omenda vaʼekue mokõi moabítare, peteĩ omenda Rut rehe ha pe ótro Orpá rehe. Péro lastimósamente koʼã mokõi kuimbaʼe omano avei.

Noemí oikuaárõ guare iporã jeymaha la situasión Israélpe odesidi oho jey upépe. Rut ha Orpá oho hendive, péro tapére Noemí heʼi chupekuéra: “Peẽ ningo penevuenaiterei vaʼekue che membykariaʼykuéra ndive ha hetáma avei penembaʼeporã chendive. Upévare hiʼãite chéve la pemenda jey. Peho jeýntena Moábpe”. Péro haʼekuéra heʼi chupe: “Ore ningo orerakateʼỹeterei nderehe ha ndoroipotái repyta neaño”. Péro Noemí heʼi jey jey chupekuéra oho jeýnte hag̃ua hetãme. Upémarõ Orpá oho jey Moábpe, péro Rut opyta Noemíndi. Upéi Noemí heʼi jey voi Rútpe: “Orpá ningo ojevy jeýma ipuévlope ha oadora jeýta idioskuérape, terehóna hendive”. Péro Rut heʼi chupe: “Ndorohejamoʼãi, nde puévlo haʼéta avei che puévlo, ha nde Jára haʼéta avei che Jára”. ¿Mbaʼéichapa nde ere oñeñandúne hague Noemí ohendúvo Rut heʼíva chupe?

Rut ha Noemí og̃uahẽ Israélpe oñepyrũrõ guare ojekosecha pe seváda. Peteĩ día Rut oho Boaz kokuépe omonoʼõ hag̃ua umi seváda hemby vaʼekue umi ojekosecha vaʼekuégui. Upe karai ningo Rahab memby. Boaz ohendu Rut haʼeha moabita, avei ojogueraha porãitereiha isuégrandi ha ndohejareíri hague chupe. Upévare Boaz heʼi umi ombaʼapóvape chupe ohejamiénte hag̃ua umi seváda ikatu hag̃uáicha Rut ombyaty imbaʼerã.

 Upe pyharépe Noemí oporandu Rútpe máva kokuépepa ombaʼapo raʼe, ha Rut heʼi chupe: “Peteĩ karai hérava Boaz kokuépe”. Upépe Noemí heʼi chupe: “Pe kuimbaʼe ningo che ména pariénte. Esegínte embaʼapo ikokuépe umi kuñataĩndi. Upépe avave nanemolestamoʼãi”.

Rut osegi ombaʼapo Boaz kokuépe opa peve pe kosécha. Boaz ohechakuaa mbaʼéichapa Rut ivuéna ha iguápa. Upe tiémpope ningo peteĩ kuimbaʼe omano ha naifamiliajepéiramo, ikatu peteĩ ipariénte omenda hembirekore rehe. Upéicha rupi Boaz omenda kuri Rut rehe. Haʼekuéra upéi ifamília ha ombohéra chupe Obed. Obed haʼe vaʼekue rréi David avuélo. Noemí amigokuéra ovyʼaiterei hendive ha heʼi chupe: “Primero Jehová omeʼẽ ndéve Rut, pe ne nuéra nderayhuetéva ha koʼág̃a erekóma ne niéto. Toñemombaʼeguasu Jehovápe upévare”.

“Oĩ amígo nderayhuvéva ne ermánogui” (Proverbios 18:24).