Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 37

Jehová oñeʼẽ Samuélpe

Jehová oñeʼẽ Samuélpe

Pe saserdóte prinsipál Elí mokõi itaʼýra vaʼekue, peteĩva héra Hofní ha pe ótro Finehás. Haʼekuéra saserdóte vaʼekue ha ombaʼapo pe tavernákulope. Péro Elí raʼykuéra ndojapói vaʼekue Jehová Léi heʼíva ha otrata vaieterei umi héntepe. Umi israelita oraha jave peteĩ animál osakrifika hag̃ua Jehovápe, haʼekuéra oipeʼámi vaʼerã imbaʼerã pe soʼo iporãvéva. Elí oikuaa porãramo jepe itaʼyrakuéra ojapoha heta mbaʼe vai, ndokorrehíri chupekuéra. ¿Opermitítapa Jehová osegi upéicha upe situasión?

Samuel imitãvéramo jepe Hofní ha Finehásgui, haʼe ndosegíri iñehemplokuéra ha ndojapói ivaíva haʼekuéraicha. Upévare Jehová oguerohory chupe. Peteĩ pyhare, Samuel oke jave ohendu oĩha peteĩ ohenóiva chupe. Upémarõ haʼe opuʼã ha odipara oho Elí rendápe ha heʼi chupe: “Ape aime”. Péro Elí heʼi chupe: “Che ningo norohenóiri, tereho katu eñeno jey”. Samuel oho jey oñeno ha upéi ohendu jey voi peteĩ ohenóiva chupe. Haʼe oho jey Elí rendápe, ha tres vesehápe Elí opilláma Jehovaha la oñeʼẽva Samuélpe. Upémarõ Elí heʼi Samuélpe ohendu jey vove pe oñeʼẽva chupe heʼi hag̃ua: “Ape aime Jehová, ajapysaka hína nderehe”.

Samuel oho jey oñeno ha ohendu peteĩ heʼíva: “Samuel, Samuel”. Ha haʼe okontesta chupe: “Ape aime Jehová, ajapysaka hína nderehe”. Jehová heʼi Samuélpe: “Ere Elípe akastigataha chupe ha ifamiliakuérape. Pórke haʼe  oikuaa porã itaʼyrakuéra ojapoha heta mbaʼe vai che tavernákulope ha ndokorrehíri chupekuéra”. Al día sigiénte, ojapoháicha jepi káda pyhareve, Samuel oavri pe tavernákulo rokẽ. Haʼe okyhyje kuri omombeʼu hag̃ua Elípe la Jehová heʼi vaʼekue. Péro Elí ohenoika Samuélpe ha oporandu chupe: “Samuel, ¿mbaʼéiko heʼi raʼe ndéve Ñandejára? Emombeʼúna chéve”. Upémarõ Samuel omombeʼupaite chupe la Jehová heʼi vaʼekue.

amuel tuichavéma ohóvo ha Jehová osegi oguerohory chupe. Umi israelita oparupigua oikuaa vaʼekue Jehová oiporavo hague Samuélpe oservi hag̃ua chupe kómo proféta ha hués.

“Nemitã reheve nemanduʼa vaʼerã nde Apohare Ijojahaʼỹvare” (Eclesiastés 12:1).