Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

Mbaʼérehepa oñeñeʼẽta seksión 6-pe

Mbaʼérehepa oñeñeʼẽta seksión 6-pe

Umi israelita oike rire pe yvy Jehová opromete vaʼekuépe chupekuéra, siémpre oho hikuái pe tavernákulope omombaʼeguasu hag̃ua Jehovápe. Umi saserdóte omboʼe chupekuéra Ñandejára Léi ha umi hués katu omoakã chupekuéra. Ko seksiónpe jahecháta mbaʼéichapa umi mbaʼe jadesidíva ha jajapóva ikatu oipytyvõ térã operhudika ótrope. Umi israelita ifiél vaʼerã kuri Jehovápe ha hapichakuérape. Eexplika ne famíliape mbaʼéichapa Débora, Noemí, Josué, Ana, Jefté rajy ha Samuel omoĩ vaʼekue ehémplo porã ikomunidápe. Emombeʼu avei chupekuéra mbaʼéichapa umi ótro tetãygua jepe oñemoĩ vaʼekue umi israelita favórpe oikuaágui Jehová oĩha hendivekuéra, umíva apytépe oĩ Rahab, Rut, Jael ha umi gabaonita.

KO PÁRTEPE

LEKSIÓN 29

Jehová oiporavo Josuépe

Umi konsého Jehová omeʼẽ vaʼekue Josuépe ideprovécho avei ñandéve koʼág̃a.

LEKSIÓN 30

Rahab oipytyvõ mokõi espíape okañy hag̃ua

Jericó murálla hoʼapa vaʼekue, péro Rahab róga ndoʼái ojáramo jepe pe murállare.

LEKSIÓN 31

Umi gabaonita oho Josué rendápe

Josué ojerure Jehovápe pe kuarahy opyta hag̃ua peteĩ hendápe.

LEKSIÓN 32

Barac ha mokõi kuña ipyʼaguasúva

Josué omano rire, umi israelita oadora umi dios fálsope ha oike hikuái heta akãrasýpe. Péro Jehová ojevale Barac, Débora ha Jael rehe osalva hag̃ua chupekuéra.

LEKSIÓN 33

Rut ha Noemí

Mokõi viúda oho jey Israélpe. Peteĩva héra Rut. Haʼe oho ombaʼapo peteĩ kokuépe ha upépe Boaz oikuaa chupe.

LEKSIÓN 34

Gedeón ogana umi madianítape

Umi madianita heta ombosufri umi israelítape. Upévare umi israelita ojerure ajúda Jehovápe. ¿Mbaʼéichapa Gedeón ehérsito michĩramo jepe ogana umi madianítape?

LEKSIÓN 35

Ana ojerure Jehovápe peteĩ mitã

Elcaná oraha Ana, Peniná ha ifamiliakuérape oadora hag̃ua hikuái Jehovápe pe tavernákulope Silópe. Upépe Ana heʼi Jehovápe oipotaha peteĩ mitã. Upe rire, un áño mboyve onaséma Samuel.

LEKSIÓN 36

Jefté ojapo peteĩ promésa Jehovápe

¿Mbaʼépa Jefté opromete Jehovápe? ¿Mbaʼépa heʼi itajýra oikuaávo la itúa opromete vaʼekue?

LEKSIÓN 37

Jehová oñeʼẽ Samuélpe

Elí raʼykuéra ningo saserdóte vaʼekue pe tavernákulope, péro haʼekuéra ojapo heta mbaʼe vai. Samuel idiferentete chuguikuéra. Peteĩ pyhare Jehová oñeʼẽ chupe.

LEKSIÓN 38

Jehová omombarete Sansónpe

Jehová omombarete Sansónpe oñorairõ hag̃ua umi filisteo kóntrape, péro upéi Sansón odesidi vai kuri peteĩ mbaʼe ha umi filisteo ojagarra chupe.