Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 23

Opromete hikuái Jehovápe iñeʼẽrendutaha chupe

Opromete hikuái Jehovápe iñeʼẽrendutaha chupe

Dos méserupi umi israelita osẽ rire Egíptogui, og̃uahẽ hikuái Sinaípe ha opyta hikuái upépe. Upérõ Jehová ojerure Moiséspe ojupi hag̃ua pe sérro oĩvape upe lugárpe. Upépe Jehová heʼi chupe: “Che ningo asalva kuri umi israelítape. Ha haʼekuéra iñeʼẽrendúramo chéve ha okumplíramo umi léi ameʼẽva chupekuéra, che aiporavóta chupekuéra che puevlorã”. Moisés oguejy rire pe sérrogui omombeʼu upéva umi israelítape. Ha haʼekuéra heʼi chupe: “Ore rojapopaitéta la Jehová heʼíva guive”.

Upéi Moisés ojupi jey pe sérrope ha Jehová heʼi chupe: “Déntro de tres día añeʼẽta pe puévlope. Ere chupekuéra ani hag̃ua ojupi ko sérrope”. Moisés oguejy pe sérrogui ha heʼi umi israelítape ojeprepara hag̃ua hikuái ohendu hag̃ua Jehovápe.

Tres día haguépe oñepyrũ osunu, hoʼa rrájo ha peteĩ arai hũ ojekuaa pe sérro ári. Oñehendu avei peteĩ turu pu hatãitereíva. Upéi Jehová oguejy pe sérro ári peteĩ tatarendýicha ha umi israelita okyhyjeterei ha oryrýi osusũ opytávo. Pe sérro oñepyrũ oryryipa, pe tatatĩ ojahoʼipa pe lugár ha pe turu pu katu hatã hatãve oñehendu. Upéi Ñandejára heʼi: “Che hína Jehová pende Jára. Aníke pemombaʼeguasu ótro dióspe”.

Upéi Moisés ojupi jey pe sérrope, upépe Jehová omeʼẽ chupe umi léi okumpli vaʼerã umi israelita. Umi léi rupive Jehová heʼi chupekuéra mbaʼéichapa oadora vaʼerã chupe ha mbaʼéichapa oiko vaʼerã hikuái. Moisés oskrivi umi léi Jehová omeʼẽva chupe ha upéi olee umi israelítape. Upérõ haʼekuéra heʼi jey Moiséspe: “Ore rojapopaitéta la Jehová heʼíva guive”. Upéicha haʼekuéra opromete iñeʼẽrendutaha Jehovápe, ¿péro okumplípa raʼe hikuái upéva?

“Rehayhu vaʼerã Jehová nde Járape nde pyʼaite guive, ne álma rugua guive, ha opa ne arandukue reheve” (Mateo 22:37).